Akola News: एचडीएफसी ऍग्रो पीक विमा कार्यालयाची तोडफोड; अकोल्यात उद्धव ठाकरे गटाचे कार्यकर्ते आक्रमक

हर्षदा सोनोने 
अकोला : मागील अनेक दिवसांपासून शेतकऱ्यांचे प्रश्न प्रलंबित आहेत. या विषयावर उद्धव ठाकरे गटाच्या (Shivsena) शिवसेना गट आक्रमक झाला असून एचडीएफसी ऍग्रो या पीक विमा कार्यालयाची (Akola) तोडफोड केली आहे. यात कार्यकर्त्यांनी खुर्च्या, टेबलची तोडफोड केली आहे. (Live Marathi News)

अकोला जिल्ह्यातील शेतकऱ्यांच्या (Farmer) प्रलंबित मागण्या निकाली काढण्यात जिल्हा प्रशासनासह शासन कुचकामी ठरल्याचा आरोप करीत उद्धव ठाकरे गटाचे शिवसेनेचे जिल्हाप्रमुख तथा जिल्हा परिषदचे गटनेता गोपाल दातकर यांनी केला आहे. यासाठी गेल्या तीन दिवसांपासून जिल्हाधिकारी कार्यालयासमोर उपोषण सुरु आहे. उपोषण सुरु असून देखील प्रशासनाकडून दखल घेण्यात आलेली नाही. यामुळे कार्यकर्ते अधिक आक्रमक झाले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

आंदोलन तीव्र करण्याचा इशारा 

शेतकऱ्यांच्या प्रश्नावरून आज उद्धव ठाकरे गटाचे कार्यकर्ते आक्रमक होत एचडीएफसी ऍग्रो या पीक विमा कार्यालयाची तोडफोड केली आहे. जर शेतकऱ्यांना न्याय मिळाला नाही; तर यापेक्षा तीव्र आंदोलन करण्याचा इशारा यावेळी देण्यात आला आहे.