Viral Video: तक्रार देताच वाद पेटला; पोलिस ठाण्यातच महिलांची हाणामारी

सोशल मीडियावर महिलांच्या हाणामारीचे आणि भांडणाचे अनेक व्हिडिओ पाहिले असतील. मात्र सध्या व्हायरल झालेला व्हिडिओमध्ये पोलीस ठाण्यातच महिलांमध्ये जोरदार राडा झालेला आहे. किरकोळ वादातून सुरू झालेली वादावादी थेट हाणामारीवर आली. एकमेकींवर आरडा-ओरडा करत मारहाण करण्याचा प्रकार घडला. पोलिसांसमोरच चाललेल्या या गोंधळामुळे क्षणभर पोलीसही गोंधळून गेले.

हाणामारीचे नेमके कारण तरी काय?

इचलकरंजी इथं आर्थिक देवघेवीवरून महिलांनी थेट गावभाग पोलीस ठाण्यात गोंधळ घालत आल्या. तक्रार देत असताना महिला समोरासमोर आल्यावर वाद एवढा वाढला की महिलांनी चक्क हात चप्पल घेऊन पद्मजा इंगवले या महिलेवर धाव घेत मारहाण (Fighting)करण्याचा प्रयत्न केला.

पोलिसांसमोरच घडलेल्या या प्रकारामुळे काही काळ गोंधळ उडाला. दरम्यान पद्मजा इंगवले यांच्यावर सुदर्शना उर्फ गंगा कांबळे यांच्या फिर्यादीवरून अदखलपात्र गुन्हा दाखल करण्यात आला. पद्मजा इंगवले यांच्यावर खाजगी सावकारी, जातीवाचक शिवीगाळ करणे दागिने लुबाडणे याप्रकरणी कायदेशीर कारवाई करावी या मागणीसाठी काल महिला गावभाग पोलीस ठाण्यात गेल्या होत्या. यावेळी हा वाद झाला. पोलिसांनी मध्यस्थी करून हा वाद मिटवण्याचा प्रयत्न केला.

हा व्हिडिओ (Video) सध्या युट्युबवरील saamtv या अकाउंटवर अपलोड करण्यात आलेला आहे. व्हिडिओ पाहिल्यानंतर प्रत्येकजण हैराण झालेला असून प्रत्येक लोकांनी यावर विविध प्रतिक्रियाही दिलेल्या आहेत. त्यातील एका यूजरने कमेंट केली,''महिलांचे वाद आता जास्त दिसून येतात'' तर दुसऱ्या यूजरने कमेंट केली,''कहरच झाला'' अशा अनेक प्रतिक्रिया आलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.