गावच्या पोरीचा डान्स पाहून नेटकरी झाले फिदा; 'कहां दिल खो गया' गाण्यावर दिले जबरदस्त एक्सप्रेशन्स

viral dance video: सध्या सोशल मीडियावर एक व्हिडिओ धुमाकूळ घालत आहे, ज्यामध्ये एका गावाकडच्या मुलीने आपल्या अभिनय आणि डान्सने सर्वांचं लक्ष वेधून घेतलं आहे. 'कहां दिल खो गया' या जुन्या आणि लोकप्रिय हिंदी गाण्यावर तिने सादर केलेला हा व्हिडिओ पाहून अनेकजण भारावून गेले आहेत. तिच्या अभिनयाने आणि सहजतेने केलेल्या नृत्याने नेटिझन्सचं मन जिंकलं आहे.

या डान्स(Dance) व्हिडिओमध्ये दिसणारी ही मुलगी कोणत्याही भव्य स्टेजवर नाही, तर गावातल्या एका शेताकडील परिसरात उभी आहे. आजूबाजूला हिरवळ, शेती आणि साधेपणा असलेल्या पार्श्वभूमीवर ती नृत्य करताना दिसते. तिच्या सोबत अन्य काही चिमुकल्या आहेत ज्याही तिच्या सोबत डान्स करत आहेत. डान्स करताना तिचा आत्मविश्वास, चेहऱ्यावरचा भावनांचा खेळ आणि गाण्याशी समरसून केलेला अभिनय अगदी व्यावसायिक कलाकारालाही लाजवेल असा आहे.

गावाकडील पोरं-पोरींमध्ये टॅलेंट कसं दडलं आहे, हे या व्हायरल होत असलेल्या व्हिडिओवरून पुन्हा एकदा स्पष्ट होतं. आधी फक्त शहरांमध्ये संधी मिळायची, पण आता इंटरनेट आणि मोबाइलमुळे गावागावांतील लोकांची कला समोर येतेय. ही मुलगीही त्याचाच एक सुंदर नमुना असल्याचे आपल्याला दिसून येत आहे.

चिमुकलीच्या डान्समध्ये कुठेही दिखावूपणा नाही. तिच्या हावभावातून गाण्याच्या प्रत्येक ओळीतून भावना प्रकट होतात. 'कहां दिल खो गया' हे 90 चं गाणं असूनही तिचा अभिनय आणि सादरीकरण ते गाणं जिवंत करतं. विशेष म्हणजे ती कुठल्याही महागड्या कपड्यांत नाही सर्व कसं सगळं नैसर्गिक आणि खरं वाटतं.

नेटकरी वर्गाला हा व्हिडिओ प्रचंड आवडलेला आहे. सध्या हा व्हिडिओ(Video) इन्स्टाग्रामवरील chhoti_bristi5631 या अकाउंटवर अपलोड करण्यात आलेला आहे, त्यानंतर असंख्य प्रतिक्रिया आलेल्या आहेत. एका यूजरने कमेंट केली,''डान्स मध्ये किती साधेपणा आहे'' तर अनेकांनी म्हटलं की,''खुप छान डान्स केला'' अशा प्रकारे अनेकांनी चिमुकलीच्या डान्सचे कौतुक केले आहे.

टीप: हा डान्स व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.