Mumbai Local Train Video: अर्रर्र! मुंबई लोकलमध्ये महिला आणि किन्नरमध्ये जोरदार हाणामारी; एकमेंकीना धू धू धूतले

लोकांच्या जीवाची नाळ जिच्याशी जोडलेली आहे, ती म्हणजे मुंबई लोकल! दिवसाकाठी लाखो प्रवासी यामधून प्रवास करतात. काहींसाठी ही फक्त ट्रेन आहे, पण मुंबईकरांसाठी ही 'लाईफलाइन' आहे. मात्र या लाईफलाइनमध्ये अनेकदा काही विचित्र, धक्कादायक आणि वादग्रस्त घटना घडताना दिसतात. अशीच एक खळबळजनक घटना अलीकडे समोर आली असून, यात महिला आणि किन्नर यांच्यात थेट लोकलच्या डब्ब्यातच तुफान हाणामारी झाली.

घटना नेमकी काय घडली?

लोकलमध्ये(Mumbai Local) झालेल्या हाणामारीचे नेमके कारण नक्की समजू शकलेले नाही. व्हायरल होत असलेल्या या व्हिडिओत तुम्हाला दिसते, लोकल ट्रेनमधील एका डब्ब्यातून एक महिला तिच्या मुलाला घेऊन उतरत असते. मात्र काही कारणास्तव त्याच डब्ब्यातील तृतीयपंथीशी तिचा वाद होतो आणि मग काही काही क्षणात दोघांमध्ये तुफान हाणामारी सुरु होते.

हा सगळा प्रकार लोकल डब्ब्यातील प्रवाशांपैकी काहींनी आपल्या मोबाईलमध्ये शूट करून सोशल मीडियावर अपलोड केला. बघता बघता तो व्हिडिओ व्हायरल झाला आणि नेटकऱ्यांमध्ये चर्चेचा विषय ठरला. सध्या हा व्हिडिओ इन्स्टाग्रामवरील mumbai_lif3 या अकाउंटवर अपलोड करण्यात आलेला असून नक्की कोणत्या रेल्वे मार्गावर हा प्रकार घडला ते अद्याप समजू शकलेले नाही.

हाणामारीची (Fighting )घटना आतापर्यंत इन्स्टाग्रा, एक्स(ट्वीटर), फेसबूक अशा प्रसिद्ध माध्यमांवरही शेअर करण्यात आलेली आहे. अनेकांनी या घटनेबाबत संताप व्यक्त केला, तर काहींनी दोघींच्या वर्तनावर प्रश्नचिन्ह उपस्थित केलं. त्यातील एका यूजरने कमेंट केली,''काय बोलणार खाली गाडी असून पन भांडतात'' तर दुसऱ्या यूजरने कमेंट केली,''लहान मुलाला अक्कल आहे पण व्हिडिओ बनवऱ्यांना आणि शेअर करणाऱ्यांना नाही'' अशा प्रकारे प्रतिक्रिया आलेल्या आहेत.

टीप: मुंबई लोकलमधील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.