Viral Video: परदेशी पाहुण्याचं महाराष्ट्र प्रेम! सिंहगड किल्ल्यावर स्वित्झर्लंडच्या पर्यटकाचा जय शिवरायांचा नारा

Foreign Visitor In India: सोशल मीडियावर सध्या दोन प्रकारचे व्हिडिओ चर्चेचा विषय ठरत आहेत. त्यातील एकीकडे पुण्यातील सिंहगड किल्ल्यावर परदेशी पर्यटकाला काही मराठी तरुणांनी शिवीगाळ शिकवल्याचा संतापजनक प्रकार समोर आलाय. हा व्हिडिओ पाहून अनेकांनी नाराजी व्यक्त केली आहे. तर दुसरीकडे, याच्या अगदी विरोधात एक अत्यंत प्रेरणादायक आणि सकारात्मक व्हिडिओ महाराष्ट्रातील मुरबाड तालुक्यातून समोर आला आहे.

मुरबाड तालुक्यातील व्हिडिओनं (Video) सर्वांचं लक्ष वेधून घेतलंय. मुरबाड तालुक्यातील नाणेघाटातील प्रसिद्ध अशा जीवधन ते वानरलिंगी व्हॅली क्रॉसिंगसाठी आलेल्या स्वित्झर्लंडच्या पर्यटकाला मुरबाडच्या सह्यगिरी एडव्हेन्चर ग्रुपच्या सदस्यानं छत्रपती शिवाजी महाराज की जय, जय महाराष्ट्र या घोषणा शिकवल्या.

या घोषणांना स्वित्झर्लंडच्या पर्यटकांनीही चांगला प्रतिसाद दिला. त्यानंतर या पर्यटकांनी व्हॅली क्रॉसिंगचा आनंद घेतला. सोशल मीडियात या व्हिडिओची जोरदार चर्चा सुरू आहे. हा व्हिडिओ saamtvnews या अकाउंटवर व्हिडिओ अपलोड करण्यात आलेला आहे.

या घोषणांचा परदेशी पर्यटकानेही उत्स्फूर्तपणे उच्चार केला आणि त्यानंतर संपूर्ण वातावरण राष्ट्राभिमानाने भारून गेलं. याच क्षणाचा व्हिडिओ सध्या सोशल मीडियावर प्रचंड वेगाने व्हायरल (Viral) होत आहे आणि त्यावर नेटकऱ्यांकडून मोठ्या प्रमाणात कौतुक होत आहे.

टीप: महाराष्ट्रातील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.