Fact Check: SIRचा मेसेज करेल बँक खातं रिकामं? लिंक उघडून पाहताच खात्यातून पैसे गायब?

.व्हायरल सत्य-असत्यमध्ये आपलं स्वागत. आम्ही व्हायरल होत असलेल्या मेसेजची पडताळणी करतो आणि त्याची सत्यता समोर आणतो. तुम्हाला जर कुणी SIRबाबत फोन केला तर सावध व्हा. कारण, तुमचं नाव मतदार यादीतून वगळलंय असा मेसेज आणि लिंकही पाठवली जाऊ शकते.अशा प्रकारे लिंक पाठवून फसवणूक केली जातेय असा दावा करण्यात आलाय पण, या दाव्यात तथ्य आहे का? याची आम्ही पडताळणी केली.त्यावेळी काय सत्य समोर आलं पाहुयात.

अधिकारी असल्याचा फोन केला जातो.मतदार यादीतून तुमचं नाव गहाळ होऊ नये, यासाठी काही प्रक्रिया करावी लागेल सांगितलं जातं.APK फाईल डाऊनलोड करायला सांगून फसवणूक केली जाते. अशा प्रकारे फसवलं जातं, असा दावा कोल्हापुरातील एका डॉक्टरांनी केलाय. त्यामुळे खरंच अशा प्रकारे फसवणूक केली जातेय का?

सायबर फसवणूक करणाऱ्यांकडून तुम्ही भरलेल्या SIR फॉर्ममध्ये त्रुटी आहे”, असं सांगितलं जातंय का? याची माहिती जाणून घेण्यासाठी आमच्या प्रतिनिधींनी डॉ. जयंत वाटवेंचीच भेट घेतली.आणि खरंच काय घडलं हे त्यांच्याकडून जाणून घेतलं. जयंत वाटवेंची फसवणूक झाली. त्यांचे 85 हजार रुपये काढून घेतले.आमच्या पडताळणीत काय सत्य समोर आलं पाहुयात.

व्हायरल सत्य

SIRच्या नावाने APK फाईल पाठवून फसवणूक करतात

SIRच्या नावाने फोन आल्यास आधी खात्री करा

कुणीही लिंक पाठवल्यास उघडून व्यवहार करू नका

APK फाईल पाठवल्यास डाऊनलोड करू नका

SIR च्या नावाखाली नागरिकांची आर्थिक फसवणूक करण्याचा हा नवा प्रकार कोल्हापुरात उघडकीस आलाय. त्यामुळे निवडणूक आयोगाच्या किंवा कोणत्याही सरकारी प्रक्रियेच्या नावाने APK फाईल आल्यास त्वरित सतर्क व्हा. आमच्या पडताळणीत SIR च्या नावाखाली आलेला मेसेज बँक खातं रिकामी करू शकतं हा दावा सत्य ठरलाय.