भररस्त्यात अपहरण! युवकाचा गळा बेल्टने आवळून कारमध्ये नेलं; घटना सीसीटीव्हीत कैद

Uttar Pradesh News: उत्तर प्रदेशातील एटा जिल्ह्यात एक धक्कादायक प्रकार समोर आलेला आहे. जिथे भर रस्त्यात चार तरुणांनी मिळून एका युवकाला गळ्यात दोर बांधून रस्त्यावरून फरफटत नेलं आणि कारमध्ये जबरदस्तीने टाकून त्याचं अपहरण केलं. या सर्व घटनेचा थरारक व्हिडिओ सध्या सोशल मीडियावर वेगाने व्हायरल होत आहे आणि त्यामुळे परिसरात खळबळ उडाली आहे.

घटनेचा थरारक प्रकार सीसीटीव्हीत कैद

परिसरातील सीसीटीव्ही (CCTV) फुटेजमध्ये दिसतं की, एक तरुण रस्त्यावर उभा असताना अचानक एका कारमधून चार जण उतरतात. त्यातील एकजण युवकाच्या गळ्यात दोर किंवा ओढणीसारखी वस्तू अडकवतो आणि रस्त्यावर फरफटत नेतो. इतर दोघे-तिघे त्याला जबरदस्तीने कारमध्ये ओढतात आणि काही क्षणांतच गाडी तुफान वेगाने तिथून निघून जाते.

ही संपूर्ण घटना काही सेकंदांत घडली असून रस्त्यावरून जात असलेल्या नागरिकांनीही काही वेळाने गोंधळ लक्षात घेतला, मात्र तोपर्यंत आरोपी घटनास्थळावरून पसार झाले होते. हा व्हिडिओ सध्या समाज माध्यमांवर मोठ्या प्रमाणात नागरिकांच्या पाहण्यात आलेला आहे. घटना नेमकी कधी घडली ते अद्याप समजले नाही.पण पोलिसांकडून या घटनेची सखोल चौकशी करण्यात येत आहे.

व्हिडिओ (Video) पाहिल्यानंतर नेटकरी वर्ग हैराण झालेला आहे. त्यात त्यांनी हजारो प्रतिक्रियाही दिलेल्या आहेत. एका यूजरने म्हटलं,''दिवसा-ढवळ्या धक्कादायक प्रकार वाढत आहेत'' दुसऱ्या यूजरने म्हटलं,''रस्त्यावरील सर्व लोकांनी एकत्र येऊन तरुणाला वाचवता आलं असतं'' तर अजून एका यूजरने म्हटलं,''त्याच्या जवळच्या मित्रांनी अशी मस्ती केली नसेल ना'' अशा अनेक प्रतिक्रिया उमटल्या आहेत.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.