Viral Video: महाराष्ट्रात कायद्याचे तीन तेरा; गंगापूरमध्ये भरदिवसा छेड आणि मारहाण; VIDEO व्हायरल

माधव सावरगावे,साम टिव्ही

Gangapur Shocking News: महाराष्ट्रातील गंगापूरमध्ये भर दिवसा छेड आणि मारहाण झाल्याची एक धक्कादायक घटना समोर आली आहे. पीडितांना शारीरिक त्रास आणि छेडखानीचा सामना करावा लागला, ज्यामुळे या भागात कायदा आणि सुव्यवस्था याबद्दल गंभीर चिंता व्यक्त केली जात आहे. या हल्ल्यामुळे स्थानिक नागरिकांत नाराजी पसरली आहे शिवाय प्रशासनाकडून तत्परतेने कारवाई करण्याची मागणी केली जात आहे. या घटनेचा तपास सुरू असून, पोलिस आरोपींना ताब्यात घेण्याचा प्रयत्न करत आहेत.

मुलीची छेड काढण्याच्या कारणावरून जाब विचारण्यासाठी गेलेल्या कुटुंबाला बेदम मारहाण केल्याची बातमी सर्वप्रथम साम टीव्हीने(Tv) दाखवल्यानंतर छत्रपती संभाजीनगर पोलिसांनी चार आरोपींना अटक केलीय. छत्रपती संभाजीनगरमधील वाळूज MIDC परिसरातल्या जोगेश्वरीमध्ये घडलेल्या प्रकरणाची पोलिसांनी साम टीव्हीच्या बातमीनंतर गंभीर दखल घेतली.

जोगेश्वरी येथील १४ वर्षीय मुलगी, आई, वडील, भाऊ आणि बहिणीसह भाड्याच्या घरात राहतात. त्यातील नववीत शिकणारी १४ वर्षीय मुलगी शाळेतून घरी येत होती. त्यावेळी आरोपी निलेश दुबिले, ऋशिकेष दुबिले, प्रतीक राजुपत आणि रोहित राजपूत यांनी तीला अश्लिल हातवारे करीत तीचा पाठलाग करत असल्याचे तीने घरी आल्यानंतर सांगितले. याबद्दल ५ मार्च रोजी सायंकाळी आरोपीला विचारणा केली असता, चौघांनी शिवीगाळ करत लाकडी दांड्याने तसेच जे हातात येईल त्याने पीडित मुलीच्या आईला छातीवर लाथाने व डोक्यात मारून जखमी केले.

याप्रकरणी ३९ वर्षीय महिलेने दिलेल्या फिर्यादीवरून वाळुज एमआयडीसी पोलीस(Police) ठाण्यात आरोपी निलेश दुबिले, ऋशिकेष दुबिले, प्रतीक राजुपत यांच्याविरुद्ध ६ मार्च रोजी गुन्हा दाखल करण्यात आला होता. त्यानंतर आरोपीची चौकशी करून नोटीस देऊन सोडण्यात आले. याबाबतची बातमी साम टीव्हीने दाखवल्यानंतर पोलिसांनी तातडीने चार आरोपीला अटक करून कारवाई सुरू केली आहे.