Atharv Sudame Reel Video: गणेशोत्सवानिमित्त केलेल्या रिलवरून प्रसिद्ध इन्फ्लुएन्सर अथर्व सुदामे वादात; सामाजिक संदेश देणं पडलं महागात

Atharv Sudame Controversy Video : पुण्यातील सोशल मीडिया इन्फ्लुएन्सर अथर्व सुदामे वादाच्या वादाच्या भोवऱ्यात सापडलाय. गणेशोत्सवानिमित्त सोशल मीडियावर पोस्ट केलेल्या रीलमध्ये अथर्वने हिंदू आणि मुस्लिम एकतेबबात भाष्य केलं होतं. अथर्व याचा हा रील अनेकांना आवडला नाही, त्यावर टीकेची झोड उडाली. सोशल मीडियातून अनेकांनी नाराजी व्यक्त केली. ब्राह्मण महासंघानंही यात उडी घेत अथर्वचे कान टोचले. अथर्वला सोशल मीडियावरून धमकीही देण्यात आली. अक्कल शिकवायचे काम करू नको, असा इशारा त्याला देण्यात आला होता. वाढत्या विरोधानंतर अथर्व सुदामे याने वादग्रस्त रील सोशल मीडियावर डिलिट केली. त्यासोबतच सर्वांची माफीही मागितली.

व्हिडिओत नेमकं काय आहे? -

अथर्व गणपती घेण्यासाठी एका कारखान्यात जातो. गणपतीच्या कारखान्यात मुस्लीम व्यक्ती काम करतो असतो. अथर्व त्याच्याकडून मुर्ती घेणार नाही, असे त्या दुकानदाराला वाटते. पण अथर्व त्याच्याकडूनच मुर्ती घेणार असल्याचे सांगतो. दोघांमध्ये संवाद होतो. त्यावेळी अथर्व त्या व्यक्तीला म्हणतो 'माझे वडील सांगतात की, आपण साखर व्हावं जी खीरही बनवते आणि शीर खुर्माही. तसंच आपण वीट व्हावं जी वीट देवळातही लावली जाते आणि मशि‍दीमध्ये देखील.

तू अक्कल शिकवू नकोस, अथर्वला धमकी -

दोन दिवसांत राज्यभरात उत्साहात गणेशोत्सव साजरा होणार आहे. त्या निमित्ताने पुण्यातील रील स्टार अथर्व सुदामे याने व्हिडिओ तयार केला होता. हिंदू आणि मुस्लिम एकतेवर भाष्य करणाऱ्या या व्हिडिओने अनेकांच्या भावना दुखावल्या. या रीलमुळे अथर्वला सोशल मीडियावर प्रचंड ट्रोलिंगचा सामना करावा लागला. या व्हिडिओमुळे अथर्व याला धमक्याही देण्यात आल्या होत्या. तू अक्कल शिकवू नको, असा इशारा ब्राह्मण महासंघाने दिला होता. अथर्वच्या या रीलसंदर्भात ब्राह्मण महासंघाचे पदाधिकारी आनंद दवे यांनी संतप्त प्रतिक्रिया दिली. 'सुदामेनं केवळ मनोरंजन करावं, अभ्यास नसलेल्या विषयाबद्दल बोलू नये, असं त्यांनी म्हटलंय.

अथर्व सुद्धा मी तू लोकांची करमणूक कर आणि स्वतःचा पोटभर, वेगळ्या अभ्यासात पडू नको असे स्पष्ट मत हिंदू महासंघाचे अध्यक्ष आनंद दवे यांनी व्यक्त केलं आहे. अथर्व सुदामे याने एक व्हिडिओ सोशल मीडियावर अपलोड केला होता त्यानंतर त्याने ती व्हिडिओ डिलीट केला असला तरी त्यावर सध्या टीकेचे झोड उठले आहेत. तू करमणुकीचा धंदा कर आणि तेवढ्या पुरत्या सीमा मर्यादित ठेव. आनंद दवे, ब्राह्मण महासंघाचे पदाधिकारी

अथर्व सुदामे काय म्हणाला ?

सोशल मीडियावरून वाढता विरोध अन् धमक्यामुळे अथर्व याने जाहीर माफी मागितली. त्याने सोशल मीडियावर एक पोस्ट करत आपल्या भावना व्यक्त केल्या. तो म्हणाला की, काल मी एक व्हिडिओ पोस्ट केला होता, त्यामुळे अनेकजण नाराज झाले. अनेकांना तो व्हिडिओ आवडला नाही. कुणाच्या भावना दुखावण्याचा हेतू नव्हता. व्हिडिओ सोशल मिडिया अकांटवरून डिलिट केला आहे. हिंदू सणावर आतापर्यंत खूप व्हिडीओ केलेत. मराठी संस्कृतींवर आहेत, मराठी भाषेवर आहेत. माझ्याइतके मराठी सणांवर, भाषेवर व्हिडिओ इतक कुणी केले असतील असे मला वाटत नाही. मला कुणालाही दुखवायचा हेू नव्हता. जर माझ्यामुळे कुणाला वाईट वाटलं असेल तर माफी मागतो. माझ्यावरील प्रेम असेच कायम ठेवा.