![Karavali Dance Viral Video](http://media.assettype.com/saamtv%2F2024-05%2F358e4737-782f-4d96-9f9b-e13ff926c7fb%2FKaravali_Dance_Viral_Video.jpg?w=480&auto=format%2Ccompress&fit=max)
लग्नाच्या वरातीची बातच और असते. वरातीत घरातील सर्व मंडळी मनमोकळेपणाने डान्स करतात. आनंद साजरा करतात. लग्नाच्या वरातीत काही व्यक्ती दारू पिऊन सुद्धा धिंगाणा घालतात. काही जण तर स्पेशल अशा व्यक्तींचा डान्स पाहण्यासाठी लग्नात आलेले असतात. अशात सोशल मीडियावर एका करवलीची भलतीच चर्चा रंगली आहे. या करवलीने नाचून सर्वांचं लक्ष आपल्याकडे वळवलं आहे.
व्हायरल व्हिडिओमध्ये तुम्ही पाहू शकता की, गावात लग्नाची वरात निघाली आहे. नवरा नवरी पुढे उभे आहेत. तर मागे एक करवली आहे. या करवलीने लाल रंगाचा घागरा परिधान केला आहे. या लूकमध्ये ती मस्तच दिसतेय.
घागरा घातलेली ही तरुणी आधी शांततेत नाचत असते. नंतर अचानक तिला आपली एक अतरंगी स्टेप आठवते आणि सर्व जण तिच्याकडे पाहू लागतात.
एका भोजपुरी गाण्यावर ही करवली नाचतानाचता केस मोकळे सोडते आणि मान खाली करून सर्व केस तोंडासमोर घेते. त्यानंतर केसांचे दोन भाग करते आणि गरगर केस फिरवत नाचू लागते. तिची ही स्टेपपाहून करवलीच्या अंगात आलं आहे की काय असं सर्वांना वाटतं. आपली अतरंगी स्टेप झाल्यावर करवली स्वतः शांत बसते.
सोशल मीडियावर फेसबुकवरील एका अकाऊंटवर हा व्हिडीओ पोस्ट करण्यात आला आहे. सध्या याच व्हिडीओची सोशल मीडियावर चर्चा सुरू आहे. काहींनी यावर हसण्याचे ईमोजी पाठवलेत. तर काहींनी खरोखर या मुलीच्या अंगात आलं होतं का असा प्रश्न विचारला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.