Garba Viral Video: आईचा स्वॅगच भारी! २ वर्षाच्या लेकराला पाठीवर घेऊन खेळला गरबा; VIDEO व्हायरल

नवरात्र सुरु आहे. नवरात्री रोज रात्री गरबा-दांडियाचे आयोजन केले जाते. लहानांपासून ते मोठ्यांपर्यंत सर्वजण गरबा खेळायला जातात. वर्षातून नवरात्रीचे ९ दिवस मोठ्या उत्साहात गरबा खेळता येतो. त्यामुळे अनेकांना त्याचा मोह आवरत नाही. आवड जोपासण्यासाठी अनेकजण काहीही करतात. असंच काहीसं एका महिलेने केलं आहे. एका महिलेने चक्क मुलाला पाठीवर बांधून गरबा खेळला आहे. सध्या याचा व्हिडिओ सोशल मीडियावर प्रचंड व्हायरल होत आहे.

सोशल मीडियावर व्हायरल होत असलेल्या व्हिडिओत एक महिला आपल्या लहान बाळाला पाठीवर घेऊन गरबा खेळताना दिसत आहे. महिला गोल राउंडमध्ये सर्वांसोबत गरबा खेळत आहे. यामध्ये महिलेच्या पाठीवर एक लहान बाळ आहे. लहान बाळाला पाठीवर घेऊनदेखील या महिलेचा उत्साह काही कमी होताना दिसत नाहीये. महिला छान स्टेप करत गरबा खेळताना दिसत आहे. आजूबाजूच्या महिलांसोबत स्टेप्स करत डान्स करत आहे. मागे पाठीवर बांधलेल्या बाळालादेखील याचा काही प्रॉब्लेम होत नाहीये.हे बाळदेखील गरब्याचा आनंद घेताना दिसत आहे.

rushi_dokhe_5494 या इन्स्टाग्राम अकाउंटवरुन हा व्हिडिओ शेअर करण्यात आला आहे. त्यावर 'एक होती झाशीची राणी जी पाठीवर बाळ घेऊन रणांगण लढविणारी आणि आजची नारी जी पाठीवर बाळ घेऊन दांडिया खेळणारी'असं कॅप्शन देण्यात आले आहे. या व्हिडिओव नेटकऱ्यांनी भन्नाट प्रतिक्रिया दिल्या आहेत.

व्हायरल होत असणाऱ्या या व्हिडिओत महिला मोठ्या उत्साहाने गरबा खेळताना दिसत आहेत. वेगवेगळ्या स्टेप्स करताना दिसत आहे. अनेक लहान मुलीदेखील या मोठ्या मुलीना पाहून डान्स करताना दिसत आहेत. त्यांना फॉलो करण्याचा प्रयत्न करत आहेत.