Viral Video: शाब्बास पठ्ठ्या... महाकुंभामध्ये थाटला अनोखा व्यवसाय, फोन चार्जिंगसाठी घेतो इतके रुपये, VIDEO व्हायरल

आजकाल सोशल मीडियावर महाकुंभाशी संबंधित अनेक व्हिडिओ व्हायरल होत आहेत, आणि महाकुंभ चालू असतानाही हे सुरूच आहे. जर तुम्ही सोशल मीडियावर सक्रिय असाल, तर तुम्हाला अशा अनेक व्हिडिओंचा अनुभव आला असेल ज्यात लोक महाकुंभाला भेट देऊन व्यवसाय करून पैसे कमावण्याच्या टिप्स देत आहेत. सध्या एक नवीन व्हिडिओ खूपच व्हायरल होत आहे.

या व्हिडिओमध्ये एका व्यक्तीने लोकांचे फोन चार्ज करून पैसे कमवण्याचा दावा केला आहे. त्याने एका तासाला १००० रुपये कमावल्याचे म्हटले आहे. व्हिडिओ पाहिल्यानंतर अनेकांनी याबाबत प्रतिक्रिया दिल्या आणि सत्य मांडले आहे. व्हिडिओमध्ये महाकुंभाच्या ठिकाणी फोन चार्ज करण्यासाठी बोर्ड लावण्यात आल्याचे दिसते, जिथे अनेक लोक त्यांचे फोन चार्ज करत आहेत.

व्हिडिओ बनवणारा व्यक्ती एका तरुणाकडे कॅमेरा वळवतो आणि सांगतो की हा मुलगा कोणत्याही खर्चाशिवाय प्रति तास १००० रुपये कमवत आहे. तो एका तासात २० फोन चार्ज करतो आणि प्रत्येक फोनसाठी ५० रुपये आकारतो, त्यामुळे त्याची कमाई प्रति तास १००० रुपये होते. विशेष म्हणजे वीज मोफत असल्याने त्याला कोणताही आर्थिक खर्च किंवा धोका नाही.

इन्स्टाग्रामवरील 'malaram_yadav_alampur01' या अकाउंटवरून एक व्हिडिओ पोस्ट करण्यात आला आहे. ज्यात महाकुंभात एका दिवसात लाखोंची कमाई करण्याचा दावा केला आहे. व्हिडिओमध्ये फोन चार्जिंगचा व्यवसाय दाखवण्यात आला असून कॅप्शनमध्ये लिहिले आहे, महाकुंभात एका दिवसात लाखो कमवा. या व्हिडिओवर अनेकांनी प्रतिक्रिया दिल्या आहेत. एका युजरने लिहिले भाऊ, खोटं बोलू नकोस. हे मोफत आहे. दुसऱ्याने लिहिले, कोणतेही पैसे घेत नाहीत. तिसऱ्या व्यक्तीने प्रतिक्रिया दिली, सर्व काही मोफत आहे फसवणूक करू नका. अनेकांनी या व्हिडिओला बनावट म्हणत खोटी माहिती पसरवल्याचा आरोप केला आहे.