Ullu App: उल्लू अ‍ॅपवरील 'हाऊस अरेस्ट' शोवर बंदी घाला, रूपाली चाकणकरांची मागणी|VIDEO

उल्लू अॅपवरील हाऊस अरेस्ट या शो वरील बंदी घालावी या मागणीने सर्व स्तरातून मागणी होत आहे. भाजपच्या आमदार चित्रा वाघ यांनी या शो वर तातडीने बंदी घालावी अशी मागणी केली होती. आता त्यानंतर राज्य महिला आयोगाच्या अध्यक्षा रूपाली चाकणकर देखील आक्रमक झाल्या आहेत. त्यांनीही या शोवर बंदी घालावी अशी मागणी केली आहे.

याबाबत त्यांनी पोलीस संचालकाला पत्र ही लिहिले आहे. रूपाली चाकणकर म्हणाल्या, उल्लू या ओटीटी प्लॅटफॉर्म वर सुरू असणाऱ्या हाऊस अरेस्ट या शोमध्ये होस्ट एजाज खान हा सहभागी असलेल्या महिला आणि पुरुषांना अश्लील प्रश्न विचारून प्रात्यक्षिक करून दाखविण्यास सांगतो. महिलांना अंगावरील कपडे उतरविण्यास सांगून त्यासाठी प्रोत्साहन देत आहेत असे व्हिडिओ सोशल मीडियावर व्हायरल होत आहे. याची राज्य महिला आयोगाने दखल घेतली आहे. तसेच तातडीने आवश्यक ती कारवाई करण्याच्या सूचना आयोगाने पोलीस महासंचालक यांना दिल्या आहेत.