Uddhav Thackeray: प्रचार सभेदरम्यान हेलीपॅडवर उद्धव ठाकरेंच्या बॅगा तपासल्या, पाहा Video

वणीच्या हेलीपॅडवर उद्धव ठाकरे यांच्या बॅग तपासण्यात आल्या आहेत. ज्या बॅग तपासण्यावरून गदारोळ सुरू होता त्याचा व्हिडिओ आता समोर आला आहे. या व्हिडिओमधून निवडणूक अधिकारी उद्धव ठाकरे यांच्या बॅग तपासताना दिसून येत आहेत. यावेळी उद्धव ठाकरे यांनी अधिकाऱ्यांवर प्रश्नाची फायरिंग केली.

व्हिडिओमध्ये अधिकारी ठाकरेंच्या बॅग तपासत असून यावेळी उद्धव ठाकरे यांचा आवाज व्हिडिओमध्ये येत आहेत. संबंधित अधिकाऱ्यांशी ते बोलत आहेत. ''तुम्ही आत्तापर्यंत कधी शिंदेंची बॅग तपासली का? देवेंद्र फडणवीस, अजित पवार यांचं समान तपासलं का? मीच पहिला आहे का? मोदी - शहा आले तर त्यांच्या बॅग तपासण्याचा व्हिडिओ मला बनवून पाठवा. मला तुमची नावं सांगा, माझं नाव उद्धव ठाकरे आहे, तुमची नावसुद्धा सांगा. महाराष्ट्रातल्या तपासण्या करायला सुद्धा आता बाहेरच्या राज्याची माणसं आणली जातात'', असं म्हणत उपहासात्मक टोला त्यांनी यावेळी लगावला आहे.

Edited By Rakhi Rajput