Uddhav Thackeray : ते फडणवीस असले तरी आपण २० आहोत, पुरून उरू; उद्धव ठाकरेंनी पुन्हा वज्रमूठ आवळली!

महाराष्ट्र विधानसभा निवडणुकीत महाविकास आघाडीचा दारूण पराभव झाला. तर महायुतीनं जोरदार मुसंडी मारताना २३० आमदार निवडून आले. ५ अपक्षांनी पाठिंबा दिला आहे. त्यामुळं राज्यात महायुतीचं सरकार स्थापन होईल. पण दुसरीकडं सरकार आणण्याचा निर्धार केलेल्या महाविकास आघाडीचा आणि मित्रपक्ष ठाकरे गटाचा निवडणूक निकालानं भ्रमनिरास झाला. ठाकरे गटाचे फक्त २० आमदार निवडून आले आहेत. मात्र, पराभवानं खचून न जाता उद्धव ठाकरे यांनी विजयी उमेदवार आणि राज्यभरातील शिवसैनिकांना धीर देण्याचा प्रयत्न केला. तसंच त्यांना कानमंत्र दिला.

ते फडणवीस असले तरी आपण २० आहोत. आपण पुरून उरू, असं उद्धव ठाकरे यांनी नवनिर्वाचित आमदारांना म्हणाले. विधानसभा निवडणुकीत विजय मिळवल्यानंतर ठाकरे गटाचे २० आमदार मुंबईत मातोश्रीवर बैठकीला गेले होते. उद्धव ठाकरे यांनी त्यांच्याशी संवाद साधताना कानमंत्र दिला. तसंच यावेळी त्यांना मार्गदर्शनही केलं.