Shivsena Dasra Melava: मनसे आणि शिवसेना युती होणार का? उद्धव ठाकरेंनी स्पष्टच सांगितले | VIDEO

शिवसेना ठाकरे गटाचा मेळावा शिवाजी पार्क येथे पार पडला. उद्धव ठाकरे यांनी भाजपवर जोरदार हल्लाबोल केला तसेच मनसे आणि शिवसेना ठाकरे गट युतीबद्दल भाष्य केले. उद्धव ठाकरे म्हणाले, ५ जुलैला काय केलं होतं, तेव्हा मी बोललो की आम्ही एकत्र आलो आहोत ते एकत्र राहण्यासाठी. जिथे माझ्या मातृभाषेचा घात होत असेल, तिथे मी मराठी माणसात फूट पडू देणार नाही. हिंदी सक्ती करू नये.

मुंबई जर व्यापाऱ्यांच्या खिशात जाणार असेल तर हा खिसा फाडून मुंबई राखल्याशिवाय राहणार नाही. मराठीला हात लावून बघा, तर हात जागेवर ठेवणार नाही. आमचं कोणाशी भांडण नाही, पण आमच्या अंगावर येऊ नका. शिवसेना प्रमुखांनी शिकवलं की अंगावर जायचं नाही, आणि कुणी अंगावर हात उचलला तर तो हात रोखायचा. असा इशारा उद्धव ठाकरे यांनी दिला.