भाजपकडे एवढे पैसे आले कुठून? निवडणूका न होताच मंत्र्यांच्या घरातील सदस्य नगराध्यक्ष, सुप्रिया सुळेंनी लोकसभेत यादीच वाचून दाखवली

राष्ट्रवादी कॉँग्रेस शरद पवार गटाच्या खासदार सुप्रिया सुळे यांनी आज लोकसभेत महाराष्ट्रात झालेल्या नगरपंचायत आणि नगरपरिषदेच्या निवडणुकीवर जोरदार भाषण केले. स्थानिक स्वराज्य संस्थांच्या निवडणुकीमध्ये भाजप अनेक ठिकाणी बिनविरोध झाला. तसेच अनेक ठिकाणी भाजपच्या मंत्र्यांच्या घरातील सदस्यच नगराध्यक्ष म्हणून त्यांची बिनविरोध निवड झाली. यानंतर अनेकांच्या भुवया या उंचावल्या होत्या. हाच मुद्दा सुप्रिया सुळे यांनी लोकसभेत उपस्थित करत भाजप आणि निवडणूक आयोगावर गंभीर आरोप केले. गिरीश महाजन, जयकुमार रावळ आणि अशा अनेक मंत्र्यांची नाव घेत सुळे यांनी लोकसभेत यादीच वाचून दाखवली. पाहा त्या संदर्भातील व्हिडिओ