सुनेत्रा पवार मुख्यमंत्री व्हाव्यात, मंत्री छगन भुजबळांनी व्यक्त केली इच्छा, पाहा नेमकं काय म्हणाले?

अजितदादा हे केवळ एक व्यक्ती नसून तो एक विचार आहे. त्यांनी या भूमीत केवळ स्वप्ने पाहिली नाहीत, तर ती सत्यात उतरवली आहेत. दादा सहा वेळा उपमुख्यमंत्री झाले पण आता त्यांना मुख्यमंत्री म्हणून पाहण्याची वेळ आली आहे. भविष्यकाळात सुनेत्रा वहिनींनी दादांचे हे मुख्यमंत्रीपदाचे स्वप्न पूर्ण करावे, असे भावनिक आवाहन राज्याच्या महिला व बालविकास मंत्री अदिती तटकरे यांनी येथे केले. बारामती येथे आयोजित प्रचार सभेत अदिती तटकरे बोलत होत्या. यावेळी अजितदादांच्या आठवणींना उजाळा देताना त्या अत्यंत भावूक झाल्या होत्या. अदिती तटकरे पुढे म्हणाल्या की, ज्याप्रमाणे आपण आषाढी एकादशीला वारीला जातो, त्याचप्रमाणे कोणत्याही लोकप्रतिनिधीसाठी बारामती ही विकासाची पंढरी आहे. दादांनी या मतदारसंघात अनेक स्वप्ने पाहिली आणि ती पूर्ण केली. निवडणुकीला सामोरे जाताना दादा नेहमी मारुतीरायाचे दर्शन घेऊनच कामाला सुरुवात करायचे. तसेच सुनेत्रा पवार या मुख्यमंत्री व्हाव्यात अशी इच्छा देखील आदिती तटकरे यांनी व्यक्त केली. तसेच या विधानाला मंत्री छगन भुजबळ यांनी देखील दुजोरा दिला आहे.