Beed Crime: गॅसचा पाईप, गाडीच्या वायरचा चापका, लाकडी बांबूच्या काठीने देशमुखांना मारहाण, शरीरावर १५०हून अधिक जखमा; अहवालात काय काय? VIDEO

मस्साजोगचे सरपंच संतोष देशमुख यांचे अपहरण केल्यानंतर त्यानं बेदम मारहाण करण्यात आली होती. ही मारहाण करताना त्याचे व्हिडिओ रेकॉर्डिंग करण्यात आले होते. आरोपींनी संतोष देशमुख यांना गॅसचा पाईप, गाडीच्या वायरच्या चापकाने, लाकडी बांबूची काठी आणि लोखंडी पाईपने मारहाण करण्यात आली होती. या हत्यारांचा परीक्षण अहवाल आता समोर आला आहे. चार विशेष हत्यारांनी संतोष देशमुख यांना बेदम मारहाण झालेली आहे असे अहवालामध्ये नमूद करण्यात आलेलं आहे.

या मारहाणीमध्ये जवळपास 150 हून अधिक जखमा संतोष देशमुख यांच्या शरीरावरती आढळून आल्या होत्या. या संपूर्ण बाबींचा अहवाल आता न्यायालयामध्ये सादर करण्यात आला असून तीन डॉक्टरांनी दिलेल्या अहवालात या हत्यारामुळे मारहाण झाल्यास मृत्यू होऊ शकतो असे नमूद केले आहे. या अहवालामुळे वाल्मीक कराडचा पाय आणखी खोलात जाण्याची शक्यता आहे.