राज्यातील राजकीय व सामाजिक आंदोलनांदरम्यान दाखल प्रकरणांच्या संदर्भात मंत्रिमंडळ उपसमितीची बैठक सह्याद्री अतिथीगृह येथे पार पडली. राज्यातील सहा महसूल विभागांच्या अधिकाऱ्यांकडून खटल्यांचा आढावा घेतला. एकूण २०१ खटल्यांवर चर्चा होऊन ज्या कार्यकर्त्यांवर सार्वजनिक मालमत्तेचे नुकसान, हिंसाचार यांसारखे गंभीर आरोप नाहीत तथापि दखलपात्र गुन्हे आहेत, अशी ७७ प्रकरणे पोलिस उपायुक्त यांच्या अध्यक्षतेखाली नियुक्त क्षेत्रीय समितीकडे पाठवली. गंभीर गुन्हे नसलेल्या ७७ खटले मागे घेण्याबाबत शिफारस केली.
स्त्रीविषयक गंभीर गुन्ह्यांची ४७ प्रकरणे मात्र मागे न घेण्याबाबत निर्णय झाला. पुढील बैठकीपूर्वी कार्यकर्ते, मंडळे व संघटनांनी शासन निर्णयानुसार प्रक्रिया पूर्ण करून संबंधित विभागाकडे अर्ज सादर करावेत जेणेकरुन या प्रक्रियेच्या माध्यमातून सामाजिक कार्यकर्ते, राजकीय पक्षांचे कार्यकर्ते आणि आंदोलकांना खटल्यांमधून दिलासा देता येऊ शकतो. अशी माहिती मंत्री आशिष शेलार यांनी दिली.
तसेच ठाकरे गटाचे खासदार संजय राऊत यांनी भारत आणि पाकिस्तान सामन्यावर काही शंका उपस्थित केल्या होत्या. यावर शेलार म्हणाले, भारताने घेतलेली भूमिका जगाला संदेश देणारी आहे. त्यांनी दिलेला विजय हा प्रेरणादायी आहे. पाकिस्तानला नाक घासायला लावणारा आणि तिरंगा उंचावणारा आहे.
जी भूमिका पाकिस्तानची आहे, जी भूमिका हिरव्या पाकड्यांची आहे, तीच भूमिका संजय राऊत यांची आहे. संजय राऊत आणि उद्धवजी हिंदुस्तान जिंकल्यानंतर आणि पाकिस्तानच्या पराभवानंतर, तुमच्या डोळ्यात अश्रू का? हा प्रश्न त्यांना गल्लोगल्ली विचारला जाईल. इराण का इराक कुठल्यातरी देशामध्ये आता राष्ट्राध्यक्ष निवडीसाठी माणूस शोधतायत. तर खोमोनी नंतर कोण? तर संजय राऊत, तुम्ही अर्ज करा, तुम्हाला तिथे नक्की स्थान मिळेल. संजय राऊत यांची भूमिका परवेझ मुशर्रफ यांना आवडेल, इम्रान खान यांना आवडेल, बेनझीर भुत्तोच्या घरातील लोकांना आवडेल.असे टीकास्त्र आशिष शेलार यांनी संजय राऊत यांच्यावर सोडले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.