Sanjay Raut: कुठं लपलाय तो उद्धव निमसे? भाजपवर संजय राऊतांचा घणाघाती हल्लाबोल; राज्यकर्ते नालायक|VIDEO

नाशिकमध्ये आज शिवसेना ठाकरे गट आणि मनसेकडून जनआक्रोश मोर्चा काढण्यात आला. या मोर्चाला ठाकरे गटाचे खासदार संजय राऊत आणि मनसेचे प्रमुख नेते उपस्थित असून यावेळी संजय राऊत यांनी भाजपवर जोरदार हल्लाबोल चढवत नाशिकच्या समस्यांची जंत्रीच वाचली. मागच्या काही दिवसांपासून नाशिकमध्ये खुलेआम ड्रग्ज विकले जात आहे, आणि वाढत्या गुन्हेगारीने शहरात भीतीचे वातावरण पसरले आहे.

शहरातील नांदुर नाका परिसरात राहुल धोत्रेचा भर दुपारी खून झाला होता. या हत्येचा मुख्य आरोपी उद्धव (बाबा) निमसे अद्यापही पोलिसांना गुंगारा देतोय. यावरूनच हायकोर्टाने नाशिक पोलिसांवर ताशेरे ओढले. यावरूनच संजय राऊत म्हणाले, हा निमसे अजूनही पोलिसांना सापडत नाही कसा सापडत नाही? आमचे कार्यकर्ते बरं सापडता. तो फरार असताना गिरीश महाजनांना बंगल्यावर जाऊन भेटतो. निमसे कोणत्या सरकारी बंगल्यात जाऊन लपला आहे? जर गृहमंत्री तुम्हाला हा निमसे सापडत नसेल तर तुम्ही राज्य करायला नालायक आहात असा जोरदार प्रहार संजय राऊत यांनी भाजपवर केला.