देवेंद्र फडणवीसांच्या ताफ्यासमोर ठाकरेसनेची घोषणाबाजी अन्...; अहिल्यानगरमध्ये नेमकं काय घडलं? पाहा व्हिडिओ

ऐन निवडणुकीत जामखेड शहरात आज राजकीय वातावरण तापल्याचे पाहायला मिळाले. मुख्यमंत्री देवेंद्र फडणवीस यांच्या ताफ्यासमोर शिवसेना (उद्धव बाळासाहेब ठाकरे) गटाच्या पदाधिकाऱ्यांनी जामखेडमधील रखडलेल्या विकासकामांबाबत जोरदार घोषणाबाजी केली. पदाधिकाऱ्यांनी हातात फलक दाखवत विकासकामांचे प्रश्न समोर आणण्याचा प्रयत्न केला. मुख्यमंत्री फडणवीस बीड दौरा आटोपून जामखेड येथील प्रचार सभेला येत असताना हेलीपॅडवरून कार्यक्रमस्थळी जात असताना ही घटना घडली. अचानक काही पदाधिकाऱ्यांनी ताफ्याजवळ फलक दाखवत घोषणाबाजी सुरू केल्याने काही काळ गोंधळाचे वातावरण निर्माण झाले. घटनेनंतर पोलिसांनी तत्काळ हस्तक्षेप करत ठाकरे गटाचे सहा पदाधिकारी यांना ताब्यात घेतले.