Ahilyanagar News: रस्त्यात चालताना अचानक कळा आल्या; गर्भवती महिलेची जंगलात उघड्यावरच प्रसुती, VIDEO

अहिल्यानगर: गावापासून आरोग्य केंद्रापर्यंत रस्ता नसल्यामुळे एका आदिवासी गर्भवती महिलेची प्रसुती जंगलातील रस्त्यात उघड्यावर करावी लागली आहे. अहिल्यानगर जिल्ह्यातील जांबळे गाव येथे ही घटना घडली आहे. स्थानिकांच्या मदतीने महिलेला आणि त्या बाळाला आरोग्य केंद्रात पोहोचवण्यात आले. जांभळे गावापासून आरोग्य केंद्रापर्यंत जाण्यासाठी दोन किलोमीटरचा रस्ता आहे. तो अजूनही झाला नाहीये. त्यामुळे त्या महिलेला पायी पायी घेऊन जात असताना तिची प्रसुती रस्त्यातच करावी लागली. राज्यामध्ये अनेक ठिकाणी अशा घटना घडत आहे. आदिवासी पाडा, खेडेगावात अशा ठिकाणी अजूनही रस्त्यांचे कामे झालेले नाहीये त्यामुळे सरकार नेमकं करतं काय आहे असा संतप्त सवाल नागरिक विचारत आहेत.