Mumbai News: नवी मुंबईत १५ दिवसांसाठी ड्रोन बंदी; सुरक्षा उपाय म्हणून पोलिसांचा कडक बंदोबस्त |VIDEO

विकास मिरगणे, साम टीव्ही

भारत-पाकिस्तान दरम्यान निर्माण झालेल्या तणावपूर्ण परिस्थितीच्या पार्श्वभूमीवर नवी मुंबई पोलिसांनी सुरक्षेच्या दृष्टिकोनातून मोठा निर्णय घेतला आहे. शहरात पुढील १५ दिवसांसाठी ड्रोन उडवण्यावर बंदी घालण्यात आली आहे.

या बंदीचा भंग केल्यास संबंधित व्यक्तीविरुद्ध कठोर कारवाई करण्यात येणार असल्याचा इशारा पोलिसांनी दिला आहे. समुद्रकिनाऱ्यांवरही बंदोबस्त वाढवण्यात आला असून, पोलिस सतर्क आहेत.

नवी मुंबई पोलीस नागरिकांना सहकार्याची विनंती करत आहेत, तसेच कोणतीही संशयास्पद हालचाल आढळल्यास तात्काळ पोलिसांशी संपर्क साधण्याचे आवाहन करण्यात आले आहे.