Mumbai Local Accident : मुंबई लोकलमधून पडून ४ जणांचा मृत्यू, घटनेवर मध्य रेल्वेचे PRO डॉ. स्वप्नील नीला काय म्हणाले? पाहा व्हिडिओ

ठाण्याजवळील मुंब्रा स्थानकाजवळ फास्ट लोकलमधून ८ ते १२ प्रवासी धावत्या ट्रेनमधून खाली पडले. या अपघातात ४ जणांचा मृत्यू झाला आहे. तर काही प्रवासी जखमी झाले. या अपघातानंतर मध्य रेल्वेचे CRPO डॉ. स्वप्नील नीला यांनी प्रतिक्रिया दिली. तसेच प्राथमिक तपासात गर्दी असल्याने अपघात झाल्याचे कारण समोर आले आहे.

अपघातानंतर रेल्वे प्रशासनाने तीन महत्वाचे निर्णय घेतले आहेत. स्टेशन परिसरात बॅरिकेट वाढवणे, लोकोपायलट आणि गार्डना विशेष दक्षतेचे निर्देश देण्यात आले आहेत. तसेच सीसीटीव्ही यंत्रणा मजबूत करण्याचे आदेश देण्यात आले आहेत. या अपघाताची चौकशी सुरु असून, प्रवाशांच्या सुरक्षितेसाठी रेल्वे कटिबद्ध असल्याचे त्यांनी स्पष्ट केले. अपघातानंतर तातडीने वैद्यकीय मदत देण्यात आली असून, जखमींवर उपचार सुरु आहेत. वाढत्या अपघातामुळे प्रवाशांची चिंता वाढली आहे.