अधिवेशनात बिबट्याच्या वेशात आला आमदार! पाहा व्हिडिओ

leopard attack human : राज्यात सर्वत्र बिबट्यांनी धुमाकूळ घातला आहे. मानवी वस्तीत घुसून शेतकरी, महिला-मुलांवर बिबटे हल्ले करत आहेत. अनेक ठिकाणी तर काही जणांना जीव गमवावा लागला आहे. त्यामुळे बिबट्याचा प्रश्न ऐरणीवर आला आहे. हाच प्रश्न घेऊन आमदार नागपूरच्या हिवाळी अधिवेशनात पोहोचले आहेत. जुन्नरचे आमदार शरद सोनवणे यांनी चक्क बिबट्याच्या वेशात अधिवेशनात एन्ट्री केली.

जुन्नर, अहिल्यानगरमध्ये रेस्क्यू सेंटर तयार करावेत. बिबट्याच्या संदर्भात राज्य आपत्ती घोषित करावी, अशी मागणीही आमदार सोनवणे यांनी केली. यावेळी त्यांनी सरकारला हात जोडून विनंती केली. तीन महिन्यांच्या आत दोन हजार बिबटे राहतील असे रेस्क्यू सेंटर तयार करावेत. एक हजार मादी आणि एक हजार नर बिबटे राहतील अशी व्यवस्था करावी. जेणेकरून नसबंदीचा विषय मार्गी लागेल. जुन्नर आणि अहिल्यानगर असे दोन रेस्क्यू सेंटर तयार करावेत. बिबट्यांना ट्रॅप करण्यासाठी मायक्रो ऑपरेशन करावे लागेल, असेही आमदार सोनवणे यांनी सूचवले.