India vs Pakistan : आता लावा जोर! पाकिस्तानला आडवाच करणार, समुद्रात ५ युद्धनौका, VIDEO

'सुंभ जळाला तरी पीळ जात नाही', अशी अवस्था झालेला पाकिस्तान भारताला पोकळ धमक्या देत सुटला आहे. पहलगाम हल्ल्यानंतर दहशतवादाला पोसणाऱ्या पाकिस्तानविरुद्ध भारतानं आक्रमक पवित्रा घेतला आहे. वॉटर स्ट्राइकनंतर पाकिस्तान्यांना भारत छोडोचा आदेश देण्यात आलाय. दुबळ्या पाकिस्तानसाठी अत्यंत गरजेचा असलेल्या सिंधु पाणी कराराला स्थगिती दिल्यानंतर तर, त्यांचा जळफळाट झालाय. त्यातून भारताला धमक्या देत फुसका बार सोडला जात आहे.

खायचे वांधे झालेल्या पाकिस्तानला त्यांची जागा दाखवून देण्यासाठी भारतानं जोरदार तयारी केली आहे. दोन हात करायला कधीही तयार आहोत, असाच काहीसा पवित्रा असलेल्या भारतीय नौदलाने कंबर कसली आहे. भारतीय नौदलाने एक फोटो ट्विट केला आहे. त्या फोटोत आपण पाहू शकतो की पाच युद्ध नौका समुद्रात तैनात झाल्या आहेत. पहलगाम हल्ल्याच्या पार्श्वभूमीवर नौदलाकडून हे ट्विट केल्यानंतर भारत आता पाकिस्तानच्या विरोधात मोठं पाऊल उचलाणार असल्याची जोरदार चर्चा रंगली आहे.