Husband Wife Quarrel : बायकोच्या साबणाने अंघोळ करणे भोवलं; तक्रारीनंतर पोलिसांनी ठोकल्या बेड्या, VIDEO

फक्त बायकोच्या साबणाने अंघोळ केल्याने बायकोने थेट पतीची पोलिसांत तक्रार केल्याची घटना घडली आहे. बायकोच्या तक्रारीनंतर पोलिसांनी नवऱ्याला अटक केली. पतीला अटक केल्यानंतर पोलिसांनी मारहाण केल्याचाही त्याने आरोप केलाय. प्रवीण असे नवऱ्याचे नाव आहे. प्रवीणचं लग्न 13 वर्षापूर्वी झालं.

आरोपी प्रवीणी हा बायको आणि आई हिच्यासोबत एकत्र राहतो. प्रवीण सकाळच्या सुमारास आंघोळ करत होता. त्यावरून पत्नीने वाद घालायला सुरुवात केली. माझ्या साबणाने तू का आंघोळ करत आहेस? असा सवाल तिने नवऱ्याला केला. त्यानंतर वादाला सुरुवात झाली. त्यानंतर या वादात पत्नीने नवऱ्याला वीट फेकून मारली. हा वाद इतका टोकाला गेला की पत्नीने थेट पोलिसांत तक्रार केली. या प्रकरणी पोलिसांनी पतीला अटक केली. उत्तर प्रदेशातील अलिगडच्या रावण टीला भागात ही घटना घडलीय. मात्र, क्षुल्लक कारणावरून झालेल्या वादामुळे सगळीकडेच चर्चा सुरू आहे.