Devendra Fadnavis: मराठवाड्यात उभ्या पिकांचे प्रचंड नुकसान; सरकारकडून तातडीची मदत मिळणार|VIDEO

मराठवाड्यात गेल्या काही दिवसांपासून झालेल्या सततच्या अतिवृष्टीमुळे शेतकरी बांधवांचे प्रचंड नुकसान झाले आहे. उभ्या पिकांचे नुकसान, बांधावरची माती वाहून जाणे, घरांचे व पायाभूत सुविधांचे झालेले नुकसान यामुळे शेतकरी आर्थिक व मानसिक संकटात सापडले आहेत. या गंभीर परिस्थितीची दखल घेत आज राज्याचे मुख्यमंत्री देवेंद्र फडणवीस मराठावाडा मुक्ती संग्राम दिवसानिमित्त गेले असता या शेतकऱ्यांच्या झालेल्या नुकसानीचा सविस्तर आढावा घेतला. बाधित शेतकरी कुटुंबांना तातडीने शासकीय मदत मिळावी यासाठी त्यांना लोकप्रतिनिधिनी निवेदन दिले होते. यानंतर देवेंद्र फडणवीस यांनी ग्वाही दिली की सरकार अतिवृष्टीग्रस्त शेतकऱ्यांना मदत करणार.