देवेंद्र फडणवीस अन् एकनाथ शिंदेंमध्ये वादाची ठिणगी? कारण आलं समोर

Devendra Fadnavis orders IAS appointments in D-class municipal corporations Maharashtra : देवेंद्र फडणवीस आणि एकनाथ शिंदे यांच्यामध्ये महापालिकांमध्ये सनदी अधिकाऱ्यांच्या नियुक्तीवरून वादाची ठिणकी पडल्याचे वृत्त समोर आलेय. ड वर्ग महापालिकांमध्येही IAS अधिकारी नियुक्ती करण्याचा निर्णय मुख्यमंत्र्यांनी घेतला. मात्र दुसरीकडे मुख्याधिकारी अथवा राज्य सरकारच्या सेवेतील ज्येष्ठ अधिकाऱ्यांचीही नियुक्ती करण्याची प्रचलित पद्धती कायम ठेवण्याचा आग्रह नगरविकास विभागानं धरला आहे. त्यामुळे आता नव्या वादाला तोंड फुटण्याची शक्यता आहे

एकनाथ शिंदेंच्या जवळच्या काही अधिकाऱ्यांची ईडीकडून चौकशी झाली. त्यामुळे एकनाथ शिंदे नाराज असल्याचं बोलले जात आहे. अ, ब, क महानगरपालिकेवर या आधी सनदी अधिकारी यांची नियुक्ती करण्यात आली. 19 ड वर्गाच्या महानगरपालिकेवर आधी बिगर सनदी अधिकारी नियुक्त केले जात होते. पण मुख्यमंत्री देवेंद्र फडणवीस यांनी ड वर्गाच्या मनापालिकेवरही सनदी अधिकारी नेमण्याच्या सूचना आणि आदेश दिले आहेत. नगर विकास विभागात मुख्यमंत्री देवेंद्र फडणवीस यांचा हस्तक्षेप होत असल्याने एकनाथ शिंदे नाराज असल्याची माहिती खात्रीलायक सूत्रांनी दिली आहे.