Pahalgam Attack: पहलगाम हल्ल्याच्या निषेधार्थ झेंड्यावर पाय ठेवून आणि थुंकून अनोखे आंदोलन|VIDEO

नुकत्याच झालेल्या दहशतवादी हल्ल्याच्या निषेधार्थ डोंबिवलीत भारतीय जनता पक्षाच्या वतीने अनोखं आंदोलन करण्यात आलं. या आंदोलनात पाकिस्तानच्या झेंड्याची प्रतिकृती रस्त्यावर ठेवण्यात आली होती. नागरिकांनी त्या झेंड्यावर पाय ठेवून आणि थुंकून आपला संताप व्यक्त केला व दहशतवादी हल्ल्याचा तीव्र निषेध नोंदवला.

या आंदोलनात भाजपचे कार्यकर्ते आणि नागरिक मोठ्या संख्येने सहभागी झाले होते. आंदोलनादरम्यान कार्यकर्त्यांनी "दहशतवाद्यांना आता दहा वेळा विचार करावा लागेल" अशा शब्दांत कठोर कारवाईची मागणी केली.

यावेळी भाजप कार्यकर्त्यांनी पंतप्रधान नरेंद्र मोदी आणि केंद्रीय गृहमंत्री अमित शहा यांच्यावर विश्वास व्यक्त करत, अशा हल्ल्यांना चोख प्रत्युत्तर दिलं जाईल, असा विश्वासही व्यक्त केला. या आंदोलनामुळे नागरिकांमध्ये रोषाचं वातावरण पहायला मिळालं.