अक्कलकोटमध्ये आयोजित एका कार्यक्रमादरम्यान संभाजी ब्रिगेडचे प्रदेशाध्यक्ष प्रवीण गायकवाड यांच्यावर काळं फासण्याची खळबळजनक घटना घडली आहे. फत्तेसिंह शिक्षण संस्था आणि सकल मराठा समाजाच्या कार्यक्रमासाठी आले असताना हे प्रकरण घडले. शिवधर्म फाउंडेशन आणि शिवभक्तांनी ही कारवाई केल्याची माहिती समोर आली आहे.
प्रवीण गायकवाड यांनी आपल्या संघटनेच्या नावात छत्रपती संभाजी महाराजांचा एकेरी उल्लेख केल्यामुळे शिवधर्म फाउंडेशन आक्रमक झालं होतं. त्याचबरोबर, स्वामी समर्थांचा देखील एकेरी उल्लेख करून अवमान केल्याचा आरोप करत शिवभक्तांनी संताप व्यक्त केला. या पार्श्वभूमीवर याआधी शिवधर्म फाउंडेशनने संभाजी ब्रिगेडविरोधात उपोषण देखील केलं होतं. दरम्यान, आज अक्कलकोटमध्ये गायकवाड यांच्या सत्कारासाठी आयोजित कार्यक्रमातच त्यांच्यावर काळं फेकण्यात आलं, त्यामुळे परिसरात काही काळ तणावाचं वातावरण निर्माण झालं होतं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.