Air India Plane Crash: मेडिकल कॉलेजमधील विमान धडकल्यानंतरचा व्हिडिओ समोर|VIDEO

एअर इंडियाच्या विमानाने बीजे मेडिकल कॉलेजच्या इमारतीला जोरदार धडक दिली होती, या भीषण अपघाताचे फोटो आता समोर आले आहेत. ही दुर्घटना आज दुपारी अहमदाबादच्या मेघानीनगर परिसरात घडली. माहितीप्रमाणे, टेकऑफ केल्यानंतर अवघ्या ५ मिनिटांत विमान थेट मेडिकल कॉलेजच्या हॉस्टेल इमारतीवर कोसळलं.

अपघाताच्या वेळी इमारतीत काही डॉक्टर्स, कर्मचारी आणि वैद्यकीय विद्यार्थी उपस्थित होते, अशी प्राथमिक माहिती मिळते. या हॉस्टेलच्या वरच्या मजल्यावर एक कॅन्टीन आहे, जिथे दुपारी अनेक विद्यार्थी जेवणासाठी येतात. नेमक्या त्या वेळेसच ही दुर्घटना घडल्याने 5 जणांचा मृत्यू झाला आहे.

विमानाच्या धडकेनंतर इमारतीचा काही भाग कोसळला असून, दुर्घटनास्थळी बचावकार्य सुरु आहे. अग्निशमन दल, पोलीस आणि आपत्कालीन सेवा घटनास्थळी दाखल झाल्या आहेत. अपघातामुळे संपूर्ण परिसरात भीतीचं वातावरण पसरलं आहे.