VIDEO : बुलढाण्यात नाकाबंदी दरम्यान सापडली २० लाखांची रोकड

बुलढाणा पोलिसांनी 20 लाख रुपयाची रोकड पकडली आहे. नाकाबंदी दरम्यान दुचाकीमध्ये ही रोकड मिळून आली आहे. याप्रकरणी पोलिस अधिकचा तपास करत आहेत.

सध्या निवडणुकीच्या पार्श्वभूमीवर आचारसंहिता लागू असल्याने ठिकठिकाणी चेक पोस्ट लावण्यात आले आहे. पोलीस प्रत्येक वाहनाची तपासणी करत असून राज्यातील अनेक भागात मोठ्याप्रमाणात रोकड मिळून येत आहे. याच संदर्भात बुलढाणा शहर पोलिसांना बुलढाणा शहरातील कारंजा चौक येथे वाहन तपासणीदरम्यान स्कुटी दुचाकीमध्ये 20 लाख रुपयांची रोख रक्कम मिळून आली आहे. तातडीने पोलिसांनी ही ही रक्कम जपत केली असून संबधित व्यक्तीलासुद्धा ताब्यात घेण्यात आलं आहे. याचा राजकीय संबंध आहे का याबद्दल चौकशी सुरु आहे. तसेच पोलिसात गुन्हा दाखल करण्याची प्रक्रिया सुरु असल्याची माहिती पोलिसांनी दिली आहे.

Edited By Rakhi Rajput