Yuvraj Singh Birthday: भारताचा सिक्सर किंग युवराज सिंग (Yuvraj Singh) आज त्याचा 41 वा वाढदिवस साजरा करतोय. युवराजने 17 वर्षाच्या क्रिकेट करिअरमध्ये अनेक विक्रम आपल्या नावे केले. भारताला 2007 टी 20 विश्वचषक आणि 2011 वनडे विश्वचषक जिंकवून देणाऱ्या टीमचा तो भाग होता. 2011 विश्वचषक तर युवराजसाठी खास होता. या विश्वचषकात युवराज कॅन्सरसारख्या गंभीर आजाराचा सामना करत होता.
मात्र देशासाठी कायपण या भावनेने अशा गंभीर परिस्थितीतही युवराज टीम इंडियाकडून खेळला. नुसता खेळला नाही तर संपूर्ण विश्वचषकात त्याने आपली छाप सोडली. विश्वचषकात तो प्लेअर ऑफ टुर्नामेंट देखील ठरला होता. एका सामन्यात तर त्याला रक्ताच्या उलट्या होत असतानाही तो मैदानात उतरला होता. स्वत:ला त्रास होत असतानाही युवराजने मैदातून बाहेर जाण्यास नकार दिला. (Sports News)
युवराजला वेस्ट इंडिजविरुद्धच्या ग्रुप स्टेजमधील सामन्याआधी चक्कर येत होती. मेडिकल टीमनेही युवराजला सामना न खेळण्याचा सल्ला दिला. मात्र त्याने नकार देत खेळण्याचा निर्णय घेतला. मैदानात फलंदाजीदरम्यान युवराजला रक्ताच्या उलट्या झाल्या.
यावेळी मैदानातील अंपायर्सनी युवराजला बाहेर जायचं आहे का? अशी विचारणाही केली. मात्र मी जर मैदानात बेशुद्ध होऊन पडलो तर मला रुग्णालयाता घेऊन जा, पण मला आता देशाला विश्वचषक जिंकून द्यायचा आहे, असं युवराजने म्हटलं होतं.
या सामन्यात युवराजने शानदार शतक ठोकलं होतं. युवराजने 113 धावा केल्या होत्या ज्यामुळे टीम इंडियाला 268 धावांचा टप्पा गाठता आला होता. युवराजने गोलंदाजीतही कमाल करत दोन विकेट घेतल्या होत्या. युवराजच्या याच खेळीच्या जोरावर टीम इंडियाने हा सामना 80 धावांनी जिंकला होता. तसेच या सामन्यात युवराज मॅन ऑफ द मॅच देखील ठरला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.