T20 World Cup final : वर्ल्डकप फायनलवेळी राडा, भारताची विकेट पडल्यामुळे वाद, १७ वर्षाच्या मुलाची निर्घृण हत्या

fight during cricket match in India : बिहारमधील वैशाली जिल्ह्यात टी20 वर्ल्डकप फायनल पाहताना झालेल्या वादातून १७ वर्षांच्या कुंदन कुमारची निर्घृण हत्या झाली. भारताची विकेट पडल्यावर झालेल्या वादाचे रूपांतर मारहाणीत झाले .
T20 world cup 2026 final
T20 world cup 2026 final SAAM TV
Published On

teen killed after argument during T20 World Cup final in Bihar : न्यूझीलंडचा पराभव करत भारताने टी२० विश्वचषकावर नाव कोरले. अहमदाबादच्या मैदानावर ऐतिहासिक सामना सुरू असताना बिहारमध्ये मात्र एक दुःखद घटना घडली. वैशाली जिल्ह्यात सामन्यादरम्यान झालेल्या गैरसमजामुळे एका दिव्यांग मुलाची हत्या करण्यात आली आहे. जक्कोपूर गावात काही मित्र मोबाईलवर सामना पाहता होते. त्यावेळी भारताची विकेट पडल्यानंतर राडा झाला. त्यामध्ये १७ वर्षाच्या कुंदन कुमार याची निर्घृण हत्या करण्यात आली. याप्रकरणी पोलिसांनी गुन्हा दाखल केला असून तपास करण्यात येत आहे.

रविवारी संध्याकाळी टी-२० विश्वचषक फायनल पाहण्यावरून दोन जणांमध्ये झालेला वाद इतका वाढला की कुंदन कुमार याची हत्या करण्यात आली. सामन्यादरम्यान टीम इंडियाचा विकेट पडल्यानंतर कुंदन यानं दिलल्या प्रतिक्रियेचे रूपांतर हिंसक भांडणात झाले. त्यामधून हाणामारी झाल्याचे वृत्त स्थानिक प्रसारमाध्यमांनी दिली. या हल्ल्यात कुंदन गंभीर जखमी झाला होता. रूग्णालयात घेऊन जात असताना कुंदन याचा मृत्यू झाला. या घटनेनंतर संपूर्ण गावात तणाव निर्माण झाला.

T20 world cup 2026 final
Accident : शेतात कामासाठी निघाले,पण वाटेतच काळाचा घाला; पुण्यात भीषण अपघातात नवरा-बायकोचा मृत्यू

स्थानिक मिडिया रिपोर्ट्सनुसार, जक्कोपूर गावातील काही तरुण मोबाईल फोनवर भारत-न्यूझीलंडचा अंतिम सामना पाहत होते . सामन्यादरम्यान भारतीय संघाची विकेट पडली. त्यावेळी कुंदन मोठ्याने ओरडला. जवळच उभ्या असलेल्या दुसऱ्या एका तरुणाने आवाज ऐकला आणि दोघांमध्ये जोरदार वाद झाला. हा वाद काही मिनिटांत हिंसक झाला. आरोपीने कुंदन याला बेदम मारहाण सुरू केली. त्याला जमिनीवर ढकलले अन् मारहाण केली. कुंदन याच्या डोक्याला मार लागला.

T20 world cup 2026 final
सॉफ्टवेअर इंजिनिअर हार्दिकने बहिणीवर ४० वार केले, आईलाही सोडले नाही; हत्येमागचं डोकं सुन्न करणारं कारण समोर...

वर्ल्डकपचा सामना पाहत असताना, भारताची विकेट पडल्याने दोघांमध्ये वाद झाला. भांडणावेळी मृतक कुंदन याचे डोके ब्रेकरवर आदळले. त्याला तातडीने रुग्णालयात नेण्यात आले, परंतु त्याचा जीव वाचला नाही. या प्रकरणाचा तपास सुरू आहे, अशी माहिती पोलिसांनी दिली.

वैशाली जिल्ह्यातील जक्कोपूर या गावात घडलेल्या घटनेने सर्वांनाच धक्का बसला. १८ वर्षीय किशन कुमारने १७ वर्षीय कुंदनला जमिनीवर ढकलले. कुंदनच्या डोक्याला गंभीर दुखापत झाली अन् रक्तस्त्राव सुरू झाला. घटनास्थळी उपस्थित असलेल्या काही मुलांनी धावा घेतली. पण तोपर्यंत कुंदन बेशुद्ध पडला होता, असे पीडितेच्या कुटुंबाने आरोप केला आहे. आरोपींवर कठोर कारवाईची मागणीही त्यांनी केली आहे.

T20 world cup 2026 final
युद्धाचा मुंबईला मोठा फटका; गॅस तुटवड्यामुळे २०% हॉटेल्स बंद, आकडा ५० टक्क्यांवर जाण्याची भीती

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com