युद्धाचा मुंबईला मोठा फटका; गॅस तुटवड्यामुळे २०% हॉटेल्स बंद, आकडा ५० टक्क्यांवर जाण्याची भीती

Iran Israel war impact on Mumbai hotel industry : इराण-इस्रायल युद्धाचा फटका आता थेट मुंबईला बसत असल्याचे दिसत आहे. गॅसच्या तुटवड्यामुळे मुंबईतील 20 टक्के हॉटेल्स सध्या बंद झाली आहेत. तर आगामी 3 दिवसात ही संख्या 50 टक्क्यांवर जाण्याची भीती व्यक्त करण्यात येत आहे. गॅस पुरवठा सुरळीत न झाल्यास मोठा फटका बसण्याची शक्यता वर्तवण्यात येत आहे. व्यावसायिक गॅस सिलेंडर उपलब्ध नसल्याने हॉटेल व्यावसायिकांचे मोठे आर्थिक नुकसान होत आहे. ग्राहकांनाही याचा फटका सहन करावा लागत आहे. आगामी काही दिवसांत परिस्थिती सुधारली नाही, तर मुंबईतील हॉटेल व्यवसाय पूर्णपणे कोलमडण्याची भीती व्यक्त केली जात आहे.

इराण आणि इस्रायल दरम्यान सुरू असलेल्या युद्धामुळे आंतरराष्ट्रीय स्तरावर गॅस पुरवठा साखळी विस्कळीत झाली आहे. याचा थेट परिणाम मुंबईतील हॉटेल उद्योगावर झाला आहे. व्यावसायिक गॅस सिलेंडरच्या (LPG) तीव्र तुटवड्यामुळे मुंबईतील सुमारे २० टक्के हॉटेल्स बंद झाली आहेत. पुढील ३ दिवसात ५० टक्के हॉटेल बंद होण्याची शक्यता आहे.

आखाती देशात असलेल्या युद्धजन्य परिस्थितीमुळे एलपीजी गॅसचा पुरवठा विस्कळीत झाला आहे. बेंगळुरूमध्येही पुरवठा कमी झालाय, आता याचा परिणाम मुंबईत जाणवू लागला आहे तुटवडा असाच कायम राहिल्यास येत्या दोन ते तीन दिवसांत ५० टक्के हॉटेल्स बंद होण्याची शक्यता 'इंडियन हॉटेल अँड रेस्टॉरंट असोसिएशन'ने (AHAR) व्यक्त केली आहे 'आहार'चे अध्यक्ष विजय शेट्टी यांनी दिलेल्या माहितीनुसार, गॅसचा पुरवठा सुरळीत न झाल्यास हॉटेल इंडस्ट्रीसमोर मोठे संकट ओढवू शकते [01:50].