SRH vs PBKS: 3 कांगारू खेळाडू मैदानावर भिडले! Live सामन्यात ट्रेविस हेड आणि मॅक्सवेलमध्ये जोरदार राडा; स्टॉयनिसचीही वाद उडी, पाहा Video

SRH vs PBKS 2025: शनिवारी पंजाब किंग्ज विरूद्ध सनरायझर्स हैदराबाद यांच्यातील सामन्यात एक मोठा वाद झाला. या सामन्यात हेड आणि मॅक्सवेल यांच्यात भांडण झालं होतं.
Travis Head and Maxwells
Travis Head and Maxwellssaam tv
Published On

शनिवारी पंजाब किंग्ज विरूद्ध सनरायझर्स हैदराबाद यांच्यामध्ये सामना रंगला होता. या सामन्यात सनरायझर्स हैदराबादने उत्तम खेळ करत सामना जिंकला. सनरायझर्स हैदराबादने पंजाब किंग्जने दिलेलं २४६ रन्सचं लक्ष्य ९ बॉल शिल्लक असताना पूर्ण केलं आणि ८ विकेट्सने ऐतिहासिक विजय मिळवला. अभिषेक शर्माचे १४१ आणि ट्रॅव्हिस हेडच्या ६६ रॅन्सच्या जीवावर हैदराबादने सामना जिंकला. मात्र या सामन्यात दोन कांगारू खेळाडू भर मैदानात एकमेकांशी भिडले होते.

ट्रेविस हेड फलंदाजी करत असताना पंजाब किंग्जचा खेळाडू आणि त्याचाच आस्ट्रेलियन टीममेट ग्लेन मॅक्सवेलशी जोरदार वाद झाला. इतकंच नाही तर यामध्ये ऑस्ट्रेलियन खेळाडू मार्कस स्टोइनिसनेही या लढतीत उडी घेतली.

Travis Head and Maxwells
IPL 2025: विराटने मिठी मारताच द्रविडचे डोळे पाणावले; पाहा दोघांमध्ये असं काय घडलं? मात्र दोन दिग्गजांचा भावूक करणारा Video

काय घडलं नेमकं प्रकरण?

सनरायझर्स हैदराबादच्या डावाच्या ९व्या ओव्हरमध्ये ट्रेव्हिस हेड आणि ग्लेन मॅक्सवेल यांच्यात जोरदार वाद झाला. या ओव्हरचा शेवटचा डॉट बॉल होता. हा बॉल खेळल्यानंतर हेडने रागात मॅक्सवेलला काहीतरी बोलायला सुरुवात केली. यावेळी हेडला इतका राग का आला हे मॅक्सवेलला समजलं नाही. यावेळी मॅक्सवेलही काहीसा चिडला.

Travis Head and Maxwells
SRH vs PBKS IPL 2025: हैदराबादमध्ये अभिषेक शर्माचं वादळ; शतकाच्या तडाख्यात पंजाबच्या धावांचा डोंगर ढासळला

दोघांचा वाद पाहता अंपायरने परिस्थिती शांत करण्याचा प्रयत्न केला. परंतु हेड सतत काहीतरी बोलत राहिला. यानंतर पंजाब किंग्जचा भाग असलेला मार्कस स्टोइनिस आला आणि थेट हेडशी काहीतरी बोलू लागला. स्टोइनिस थोडा हसला आणि मग दोघे आपल्या जागेवर गेले. पण हा वाद या डॉट बॉलमुळे नव्हता, तर तो आधीच सुरू झाला होता.

Travis Head and Maxwells
IPL 2025: अभिषेक शर्माच्या खिशातील 'त्या' चिठ्ठीमागचं रहस्य काय? सामन्यानंतर स्वतः केला खुलासा; म्हणाला, माझ्या मनात आलं की...!

का झाला या दोघांमध्ये वाद?

या ओव्हरच्या पाचव्या बॉलवर दोन्ही ऑस्ट्रेलियन खेळाडूंमध्ये वाद सुरू झाला. याआधी हेडने मॅक्सवेलच्या सलग दोन चेंडूंवर सिक्स लगावले होते. हेडने पाचवा बॉल डिफेन्ड केला. ज्यावेळी बॉल मॅक्सवेलकडे गेला आणि त्याने तो पुन्हा कीपरकडे फेकला. हेडला वाटलं की, बॉल त्याच्या जवळून गेला आहे आणि तो रागाने मॅक्सवेलला काहीतरी म्हणाला.

Travis Head and Maxwells
Shardul Thakur: गोलंदाजीवर प्रश्न उपस्थित करणाऱ्या कमेंटेटर्सवर भडकला शार्दूल; म्हणाला, स्टुडियोमध्ये बसून काहीही...!

ट्रॅव्हिस हेडने ३७ चेंडूत ६६ धावांची शानदार खेळी केली, या खेळीत त्याने ३ सिक्स आणि ९ फोर मारले. हेडने अभिषेक शर्मासोबत पहिल्या विकेटसाठी १७१ रन्सची पार्टनरशिप केली. या सामन्यात सनरायझर्स हैदराबादने ८ विकेट्सने विजय मिळवला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com