Suryakumar Yadav Six: एकच मारला कडक मारला! सूर्याच्या 'सुपला शॉट'चा Video जोरदार व्हायरल

Suryakumar Yadav Six Video:

भारत आणि इंग्लंड या दोन्ही संघांमध्ये रोमांचक सामना रंगला होता. या सामन्यात भारतीय संघाने प्रथम फलंदाजी करताना २२९ धावा केल्या होत्या. या धावांचा पाठलाग करताना इंग्लंडचा डाव अवघ्या १२९ धावांवर संपुष्टात आला.

या सामन्यात भारतीय संघ अडचणीत असताना सूर्यकुमार यादवने ४९ धावांची तुफानी खेळी करत संघाची धावसंख्या २०० च्या पुढे पोहचवली. या खेळीदरम्यान त्याने एक भन्नाट शॉ मारला ज्याच्या व्हिडिओ सध्या सोशल मीडियावर जोरदार व्हायरल होत आहे.

सूर्यकुमार यादव हा मिस्टर ३६० म्हणून ओळखला जातो. मैदानाच्या चारही बाजूंना शॉट मारण्यात तो तरबेज आहे. तो वेगवान गोलंदाजाविरुद्ध खेळताना मैदानाच्या कुठल्याही बाजूला षटकार मारु शकतो. यावेळी ही असेच काहीसे चित्र पाहायला मिळाले आहे.

मुंबई इंडियन्सने आपल्या अधिकृत सोशल मीडियावर एक व्हिडिओ शेअर केला आहे. ज्यात सू्र्यकुमार यादव सुपला शॉट मारताना दिसून येत आहे. तर झाले असे की, भारतीय संघाची फलंदाजी सुरु असताना इंग्लंडकडून ४६ वे षटक टाकण्यासाठी मार्क वुड गोलंदाजीला आला होता. (Latest sports updates)

मार्क वुड हा इंग्लंडचा सर्वात वेगवान गोलंदाज आहे. त्याच्या षटकातील पहिल्याच चेंडूवर सूर्यकुमार यादवने फाईन लेगच्या वरून षटकार मारला. या षटकाराचा व्हिडिओ सध्या सोशल मीडियावर जोरदार व्हायरल होत आहे.

भारतीय संघाचा जोरदार विजय..

या सामन्यात भारतीय संघाने नाणेफेक जिंकून प्रथम गोलंदाजी करण्याचा निर्णय घेतला होता. भारतीय संघाकडून प्रथम फलंदाजी करताना कर्णधार रोहित शर्माने सर्वाधिक ८७ धावांची खेळी केली. तर सूर्यकुमार यादवने ४९ धावांचं बहुमूल्य योगदान दिलं.

या खेळीच्या जोरावर भारतीय संघाने २२९ धावा केल्या. तर या धावांचा पाठलाग करताना इंग्लंडकडून कुठल्याही फलंदाजाला मोठी खेळी करता आली नाही. इंग्लंडचा डाव अवघ्या १२९ धावांवर गडगडला. यासह भारतीय संघाने या सामन्यात १०० धावांनी विजय मिळवला .