Sunil Narine Record: शून्यावर बाद होऊनही सुनील नरेनचा मोठा कारनामा! असा रेकॉर्ड करणारा ठरला तिसराच खेळाडू

KKR vs MI, Sunil Narine Record: कोलकाता नाईट रायडर्स आणि मुंबई इंडियन्स यांच्यात झालेल्या सामन्यात सुनील नरेनच्या नावे मोठ्या रेकॉर्डची नोंद झाली आहे.
Sunil narine creates big record in ipl
Sunil narine creates big record in ipl google

कोलकाताच्या इडन गार्डन्सवर मुंबई इंडियन्स संघाला कोलकाता नाईट रायडर्स संघाकडून पराभवाचा सामना करावा लागला आहे. पावसामुळे हा सामना १६-१६ षटकांचा खेळवण्यात आला होता. या सामन्यात प्रथम फलंदाजी करण्यासाठी मैदानात आलेल्या कोलकाता नाईट रायडर्स संघाकडून सुनील नरेनला हवी तशी कामगिरी करता आली नाही. तो शून्यावर बाद होऊन माघारी परतला. दरम्यान गोलंदाजी करताना त्याने १ गडी बाद केला. यासह त्याच्या नावे एका मोठ्या विक्रमाची नोंद झाली आहे.

सुनील नरेनने आतापर्यंत या हंगामात दमदार खेळ करून दाखवला आहे. त्याने गोलंदाजीसह फलंदाजीतही जीव ओतला आहे. त्याच्या या हंगामातील कामगिरीबद्दल बोलायचं झालं तर, त्याने १२ सामन्यांमध्ये ४६१ धावा केल्या आहेत. यादरम्यान त्याने १ शतक आणि ३ अर्धशतक झळकावले असून १०९ धावा ही त्याची सर्वोत्तम खेळी ठरली आहे. यासह गोलंदाजीतही त्याची जादू पाहायला मिळाली आहे. त्याने १५ फलंदाजांना पॅव्हेलियनची वाट दाखवली आहे.

Sunil narine creates big record in ipl
IPL 2024 MI vs KKR : अखेरच्या सामन्यातही मुंबईचा पराभव; केकेआर संघाचं प्लेऑफचं तिकीट कन्फर्म

असा रेकॉर्ड करणारा तिसराच खेळाडू

सुनील नरेन हा आयपीएल स्पर्धेच्या एकाच हंगामात १५ गडी बाद करणारा आणि ४०० धावा तिसराच खेळाडू ठरला आहे. त्याच्याआधी हा कारनामा जॅक कॅलिस आणि शेन वॉटसनने करून दाखवला आहे. राजस्थान रॉयल्स संघाचं प्रतिनिधित्व करत असताना शेन वॉटसनने २००८ मध्ये ४७२ धावा करत १७ गडी बाद केले होते. त्यानंतर कोलकाता नाईट रायडर्सकडून खेळताना जॅक कॅलिसने २०१२ मध्ये झालेल्या स्पर्धेत ४०९ धावा करत १५ गडी बाद केले होते.

Sunil narine creates big record in ipl
IPL 2024 Points Table: KKR चा प्लेऑफमध्ये प्रवेश! मुंबईच्या पराभवाने या संघांचं टेन्शन वाढलं

कोलकाताचा विजय

पावसामुळे उशिराने सुरू झालेला हा सामना १६-१६ षटकांचा खेळवण्यात आला. या सामन्यात हार्दिक पंड्याने नाणेफेक जिंकला आणि प्रथम गोलंदाजी करण्याचा निर्णय घेतला. प्रथम फलंदाजी करताना कोलकाता नाईट रायडर्स संघाने १५७ धावा केल्या. या धावांचा पाठलाग करताना मुंबई इंडियन्स संघाला १३९ धावा करता आल्या.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com