RR VS RCB : यशस्वी जयस्वाल एकटा लढला, ध्रुव जुरेलच्या फिनिशिंग टचने राजस्थानला थोडासा आधार दिला

RR VS RCB IPL 2025 : राजस्थान रॉयल्स विरुद्ध रॉयल चॅलेंजर्स बंगळुरू हा आयपीएल २०२५ मधला सामना रंगला आहे. या सामन्यात बंगळुरूचा कर्णधार रजत पाटीदारने टॉस जिंकला आणि पहिल्यांदा गोलंदाजी करण्याचा निर्णय घेतला. त्यानंतर राजस्थान रॉयल्सचे खेळाडू फलंदाजीसाठी मैदानात उतरले. २० ओव्हर्समध्ये राजस्थानच्या संघाने १७३ धावा केल्या.

राजस्थानकडून यशस्वी जयस्वाल आणि संजू सॅमसन सलामीला आहे. संजू सॅमसन लवकर बाद होऊन माघारी परतला. त्याने १५ धावा केल्या. त्याने संथगतीने फलंदाजी केली. रियान पराग ३० धावा करुन बाद झाला. आक्रमक खेळी करणारा शिमरॉन हेटमायर फक्त ९ धावा करुन परतला. यशस्वी जयस्वालने सर्वाधिक ७५ धावा केल्या. ध्रुव जुरेलने ३५ धावा केल्या.

दुसऱ्या बाजूला रॉयल चॅलेंजर्स बंगळुरूच्या भुवनेश्वर कुमार, यश दयाल, जॉश हेजरवुड आणि कृणाल पंड्या या चार गोलंदाजांनी प्रत्येकी १ विकेट घेतली. सुयश शर्माने सर्वात जास्त ३९ धावा दिल्या. राजस्थान रॉयल्सने १७३ धावा केल्या आहेत. आता रॉयल चॅलेंजर्स बंगळुरूला विजयासाठी १७४ धावा कराव्या लागणार आहेत.

राजस्थान रॉयल्सची प्लेईंग ११ :

यशस्वी जयस्वाल, संजू सॅमसन (कर्णधार), नितीश राणा, रियान पराग, ध्रुव जुरेल, शिमरॉन हेटमायर, वानिंदू हसरंगा, जोफ्रा आर्चर, महिश तिक्षणा, संदीप शर्मा, तुषार देशपांडे

रॉयल चॅलेंजर्स बंगळुरूची प्लेईंग ११ :

फिलिप सॉल्ट, विराट कोहली, रजत पाटीदार (कर्णधार), लियाम लिव्हिंगस्टोन, जितेश शर्मा, टीम डेव्हिड, कृणाल पंड्या, भुवनेश्वर कुमार, जोश हेजलवुड, सुयश शर्मा, यश दयाल