RR vs RCB,IPL 2024: RCB चं नेमकं चुकलं तरी कुठं? ही आहेत पराभवाची ३ मोठी कारणं

Reasons Behind Royal Challengers Bangalore Defeats:

रॉयल चॅलेंजर्स बंगळुरू संघाचा आयपीएल २०२४ स्पर्धेत चौथा पराभव झाला आहे. शनिवारी झालेल्या सामन्यात राजस्थान रॉयल्स आणि रॉयल चॅलेंजर्स बंगळुरू हे दोन्ही संघ आमने सामने आले होते. जयपूरच्या सवाई मानसिंग स्टेडियमवर पार पडलेल्या सामन्यात राजस्थान रॉयल्स संघाने ६ गडी राखून विजय मिळवला.

या सामन्यात रॉयल चॅलेंजर्स बंगळुरू संघाने २० षटक अखेर ३ गडी बाद १८३ धावा केल्या होत्या. या धावांचा पाठलाग करताना बटलरच्या शतकी खेळीच्या बळावर राजस्थान रॉयल्स संघाने एकतर्फी विजय मिळवला. दरम्यान या पराभवाची नेमकी कारणं काय? जाणून घ्या.

चांगली सुरुवात..मात्र शेवट कडू..

या सामन्यात नाणेफेक गमावून फलंदाजीसाठी आलेल्या रॉयल चॅलेंजर्स बंगळुरू संघाला चांगली सुरुवात मिळाली होती. फाफ डू प्लेसिस आणि विराट कोहलीने शतकी भागीदारी केली. मात्र डू प्लेसिस बाद झाल्यानंतर रॉयल चॅलेंजर्स बंगळुरू संघाला मोठी झेप घेता आली नाही. सुरुवात चांगली मिळाली असतानाही रॉयल चॅलेंजर्स बंगळुरूचा संघ २०० धावांचा आकडा गाठू शकला नाही. डू प्लेसिस बाद झाल्यानंतर फलंदाजीला आलेले ग्लेन मॅक्सवेल आणि सौरव चौहान स्वस्तात माघारी परतले. (Cricket news in marathi)

दुसऱ्या डावात अडचणी वाढल्या...

सामन्यानंतर बोलताना फाफ डू प्लेसिस म्हणाला की, पहिल्या डावात फलंदाजी करणं आव्हानात्मक होतं. मात्र दुसऱ्या डावात दवाचं प्रमाण वाढल्याने फलंदाजी करणं सोपं झालं.

खराब क्षेत्ररक्षण...

धावांचा बचाव करताना रॉयल चॅलेंजर्स बंगळुरू संघाकडून ६ वे षटक टाकण्यासाठी मयांक डागर गोलंदाजीला आला होता. या षटकात त्याने तब्बल २० धावा खर्च केल्या. यासह रॉयल चॅलेंजर्स बंगळुरू संघातील क्षेत्ररक्षकांनी देखील खराब क्षेत्ररक्षण केलं. त्यांनी सोपे झेल सोडले. परिणामी रॉयल चॅलेंजर्स बंगळुरू संघाला हा सामना गमवावा लागला.