आयपीएल २०२४ स्पर्धेतील १९ व्या सामन्याचा थरार राजस्थान रॉयल्स आणि रॉयल्स चॅलेंजर्स बंगळुरु दोन्ही संघांमध्ये सुरु आहे. हा सामना जयपुरच्या सवाई मानसिंग स्टेडियमवर सुरु आहे. या सामन्यात राजस्थान रॉयल्स संघाचा कर्णधार संजू सॅमसनने नाणेफेक जिंकला आणि प्रथम गोलंदाजी करण्याचा निर्णय घेतला.दरम्यान प्रथम फलंदाजी करताना रॉयल चॅलेंजर्स बंगळुरु संघाने २० षटकअखेर ३ गडी बाद १८३ धावा केल्या आहेत. राजस्थान रॉयल्स संघाला विजयासाठी १८४ धावांची गरज आहे.
या सामन्यात संजू सॅमसनने नाणेफेक जिंकत प्रथम फलंदाजी गोलंदाजी करण्याचा निर्णय घेतला. रॉयल चॅलेंजर्स बंगळुरु संघाकडून फाफ डू प्लेसिस आणि विराट कोहलीची जोडी मैदानावर आली होती. दोघांनी मिळून संघाला चांगली सुरुवात करुन दिली. दोघांनी १२५ धावांची भागीदारी केली.
फाफ डू प्लेसिस ४४ धावा करत माघारी परतला. तर विराटने राजस्थानवर हल्लाबोल सुरुच ठेवला. विराट या डावात एकाकी झुंज देताना दिसून आला. त्याला नॉन स्ट्राईकला आलेल्या फलंदाजांकडून हवी तशी साथ मिळाली नाही. विराटने ७२ चेंडूंचा सामना करत १२ चौकार आणि ४ षटकारांच्या साहाय्याने ११३ धावांची खेळी केली. (Cricket news in marathi)
या सामन्यासाठी अशी आहे दोन्ही संघांची प्लेइंग ११:
राजस्थान रॉयल्स (Rajasthan Royals): यशस्वी जयस्वाल, जोस बटलर, संजू सॅमसन (यष्टीरक्षक), रियान पराग, ध्रुव जुरेल, शिमरॉन हेटमायर, रविचंद्रन अश्विन, ट्रेंट बोल्ट, आवेश खान, नांद्रे बर्गर, युझवेंद्र चहल
रॉयल चॅलेंजर्स बंगळुरू (Royal Challengers Bangluru): विराट कोहली, फाफ डू प्लेसिस (कर्णधार), रजत पाटीदार, ग्लेन मॅक्सवेल, कॅमेरुन ग्रीन, दिनेश कार्तिक (यष्टीरक्षक) सौरव चौहान, रिस टोप्ली, मयंक डागर, मोहम्मद सिराज, यश दयाल
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.