आयपीएल २०२४ स्पर्धा झाल्यानंतर आयसीसी टी-२० वर्ल्डकप स्पर्धेला प्रारंभ होणार आहे. ही स्पर्धा वेस्टइंडीज आणि अमेरिकेत रंगणार आहे. या स्पर्धेच्या पार्श्वभूमीवर कर्णधार रोहित शर्मा, हेड कोच राहुल द्रविड आणि अजित आगरकर यांच्यात बैठक पार पडली. या बैठकित काही महत्वाच्या मुद्द्यांवर चर्चा करण्यात आली आहे.
माध्यमातील वृ्त्तानुसार रोहित शर्मासोबत विराट कोहलीला डावाची सुरुवात करण्याची संधी दिली जाऊ शकते. विराट कोहली हा मर्यादीत षटकांच्या क्रिकेटमध्ये तिसऱ्या क्रमांकावर फलंदाजी करतो. मात्र तो जर सलामीला येत असेल, तर यशस्वी जयस्वालचा पत्ता कट होऊ शकतो. तर शुभमन गिलला बॅकअप ऑप्शन म्हणून ठेवण्याचा विचार सुरु आहे. कसोटीत दमदार खेळ करणारा यशस्वी जयस्वाल आयपीएल २०२४ स्पर्धेत फ्लॉप ठरला आहे. त्याला ७ सामन्यांमध्ये अवघ्या १२१ धावा करता आल्या आहेत.
रियान परागला संधी मिळणार?
आयपीएल २०२४ स्पर्धेत आणखी एक गाव तुफान गाजतंय ते म्हणजे रियान पराग. गेले काही वर्ष सातत्याने फ्लॉप ठरत असलेल्या या खेळाडूने देशांतर्गत क्रिकेटमध्ये आणि आयपीएल २०२४ स्पर्धेत दमदार कमबॅक केलं आहे. आतापर्यंत खेळलेल्या ७ सामन्यांमध्ये त्याने ३१८ धावा केल्या आहेत. त्याला भारतीय संघात स्थान मिळणार असल्याची चर्चा सुरु आहे. मात्र याबाबत कुठलीही अधिकृत माहिती समोर आलेली नाही.
हार्दिक पंड्याला संधी मिळणार का?
हार्दिक पंड्याला देखील या हंगामात नावाला साजेशी कामगिरी करता आलेली नाही. तो गोलंदाजीत आणि फलंदाजीत पूर्णपणे फ्लॉप ठरतोय. चेन्नई सुपर किंग्जविरुद्ध झालेल्या सामन्यात त्याने गोलंदाजी करताना ४३ धावा खर्च केल्या. तर फलंदाजीत २ धावा केल्या. रॉयल चॅलेंजर्स बंगळुरु संघाविरुद्ध झालेल्या सामन्यात २१ आणि हैदराबादविरुद्ध खेळताना त्याने अवघ्या २४ धावा केल्या.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
