भारत आणि श्रीलंका या दोन्ही संघांमध्ये ३ वनडे सामन्यांची मालिका सुरु आहे. मालिकेतील दुसरा वनडे सामना कोलंबोतील प्रेमदासा स्टेडियमवर सुरु आहे. या सामन्यातही श्रीलंकेने नाणेफेक जिंकत प्रथम फलंदाजी करण्याचा निर्णय घेतला आहे. दरम्यान या सामन्यातील पहिल्या डावात असं काहीतरी करताना दिसून आला आहे, ज्याचा व्हिडिओ सध्या सोशल मीडियावर तुफान व्हायरल होतोय.
भारताचा वनडे संघाचा कर्णधार रोहित शर्मा हा आपल्या आक्रमक फलंदाजीसाठी ओळखला जातो. यासह मैदानावर क्षेत्ररक्षण करताना, तो आपल्या वन लाईनर डायलॉगसाठी प्रसिद्ध आहे. यापूर्वी त्याची अनेक व्हिडिओ व्हायरल झाले आहेत. ज्यात तो आपल्या सहकारी खेळाडूंना काहीतरी सांगताना दिसतो. मात्र यावेळी तो थेट मारायला धावला आहे. ज्याचा व्हिडिओ सध्या व्हायरल होतोय.
तर झाले असे की, भारतीय संघाकडून १५ वे षटक टाकण्यासाठी वॉशिंग्टन सुंदर गोलंदाजीला आला होता. त्यावेळी पहिला चेंडू टाकण्यापूर्वी त्याने रनअप घेतला. मात्र त्याचा पाय सरकला. त्यामुळे तो पुन्हा एकदा रनअप घेण्यासाठी धावला. यावेळीही ही त्याचा पाय सरकला. हे पाहून स्लीपमध्ये असलेला रोहित हसला आणि त्याला मारण्यासाठी धावला. हा मजेशीर व्हिडिओ सध्या सोशल मीडियावर तुफान व्हायरल होतोय.
या सामन्यात भारताचा कर्णधार रोहित शर्माच्या नावे मोठ्या रेकॉर्डची नोंद झाली आहे. रोहित शर्माने वनडे क्रिकेटमध्ये सर्वाधिक धावा करण्याच्या बाबतीत राहुल द्रविडला मागे सोडलं आहे. या सामन्यात फलंदाजीला येण्यापूर्वी रोहित शर्मा, राहुल द्रविडच्या रेकॉर्डपासून २ धावा दूर होता. दरम्यान २ धावा करताच त्याने राहुल द्रविडला मागे सोडलं. राहुल द्रविडच्या नावे वनडे क्रिकेटमध्ये १०७६८ धावा केल्या होत्या. दरम्यान रोहित शर्मा हा भारतीय संघासाठी वनडेत सर्वाधिक धावा करणारा चौथा फलंदाज ठरला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.