Rohit Sharma : रोहित शर्माच्या ग्लोव्हजची का होतेय चर्चा? SAR चा नेमका अर्थ काय? पाहा व्हिडीओ

IPL 2025 News : इंडियन प्रीमियर लीगच्या नव्या सीझनला आज सुरुवात होणार आहे. कोलकाता नाईट रायडर्स विरुद्ध रॉयल चॅलेंजर्स बंगळुरु हा आयपीएल २०२५ मधील पहिला सामना कोलकाताच्या ईडन गार्डन्स येथे खेळला जाणार आहे. उद्या रात्री मुंबई इंडियन्स आणि चेन्नई सुपर किंग्स हे बलाढ्य संघ आमनेसामने असतील.

आयपीएलमधील सर्वच १० संघांनी खेळाची जय्यत तयारी केली आहे. या सीझनमध्ये मुंबई इंडियन्सच्या संघाची चर्चा होत आहे. मुंबईचा संघ अन्य संघांपेक्षा जास्त सरस असल्याचे म्हटले जात आहे. याच दरम्यान मुंबई इंडियन्सचा माजी कर्णधार रोहित शर्माच्या ग्लोव्हजची सोशल मीडियावर चर्चा होत असल्याचे पाहायला मिळत आहे.

मुंबई इंडियन्सच्या पेजवर एक व्हिडीओ पोस्ट करण्यात आला आहे. या व्हिडीओमध्ये रोहित शर्माने घातलेल्या ग्लोव्हजवर फोकस केल्याचे पाहायला मिळते. हिटमॅनच्या ग्लोव्हजवर इंग्रजीमध्ये SAR असे लिहिलेले आहे. यातील S चा अर्थ समायरा, A चा अर्थ अहान आणि R चा अर्थ रितिका असा असल्याचे म्हटले जात आहे. या ग्लोव्हजमुळे रोहित शर्माला चाहते 'फॅमिली मॅन' म्हणत आहेत.

आज (२२ मार्च) रोजी आयपीएलच्या अठराव्या सीझनला सुरुवात होईल. आज केकेआर आणि आरसीबी असा सामना रंगेल. उद्या (२३ मार्च) रोजी डबल हेडर सामने असतील. उद्या दुपारी पहिला सामना हैदराबाद आणि राजस्थान यांच्यात खेळला जाईल, तर रात्री मुंबई आणि चेन्नईचे संघ एकमेकांना भिडतील.