RCB VS RR : चिन्नास्वामी स्टेडियमवर IPL 2025 मधला बंगळुरूचा पहिला विजय! 'रॉयल' लढतीत राजस्थानचा पराभव, पण फटका बसला मुंबईला...

RCB VS RR IPL 2025 : चिन्नास्वामी स्टेडियमवर बंगळुरू विरुद्ध राजस्थान हा सामना रंगला होता. या सामन्यात बंगळुरूचा विजय झाला आहे. आयपीएल २०२५ मध्ये घरच्या स्टेडियमवर आरसीबीने सामना जिंकला आहे.
RCB VS RR IPL 2025
RCB VS RR IPL 2025X
Published On

IPL 2025 Latest Updates : रॉयल चॅलेंजर्स बंगळुरू विरुद्ध राजस्थान रॉयल्स हा सामना चिन्नास्वामी स्टेडियमवर खेळला गेला. या सामन्यामध्ये बंगळुरूने ११ धावांनी राजस्थानवर मात करत शानदार विजय मिळवला आहे. चिन्नास्वामी स्टेडियमवर म्हणजेच घरच्या स्टेडियमवर हा आरसीबीचा हा पहिला विजय आहे. या विजयाने बंगळुरूचा संघ पॉईंट्स टेबलवर तिसऱ्या स्थानी पोहोचला आहे.

संजू सॅमसन दुखापतग्रस्त असल्याने राजस्थानच्या कर्णधारपदाची जबाबदारी रियान परागकडे सोपवण्यात आली. रियान परागने टॉस जिंकला आणि प्रथम गोलंदाजी करण्याचा निर्णय घेतला. घरच्या स्टेडियमवर प्रथम फलंदाजी करायला उतरलेल्या बंगळुरूच्या संघाने २० ओव्हर्समध्ये २०५ धावा करत राजस्थानसमोर तगडे आव्हान ठेवले.

RCB VS RR IPL 2025
IPL 2025 : मुंबई इंडियन्सने अंपायरला विकत घेतलं? 'या' ३ निर्णयांवरुन उपस्थित केली जातेय शंका

रॉयल चॅलेंजर्स बंगळुरूकडून फिल सॉल्ट आणि विराट कोहली सलामीसाठी आले. २६ धावा करत सॉल्ट परतला. विराट कोहलीने दमदार ७० धावा केल्या. या खेळीदरम्यान विराटने अनेक विक्रम केले. देवदत्त पड्डिकलने देखील अर्धशतकीय खेळी केली. शेवटच्या ओव्हर्समध्ये टीम डेव्हिड आणि जितेश शर्मा यांनी आक्रमक फलंदाजी करत बंगळुरूचा डाव २०० पार नेला.

RCB VS RR IPL 2025
अर्जुन तेंडुलकर हा पुढचा ख्रिस गेल, मोठ्या क्रिकेटपटूचे वक्तव्य, अट फक्त एकच...

२०६ धावांचे आव्हान गाठत असताना यशस्वी जयस्वाल आणि वैभव सूर्यवंशी फलंदाजी करण्यासाठी मैदानात उतरले. २५७ च्या स्ट्राईक रेटने यशस्वी जयस्वालने ४९ धावा केल्या. १६ धावा करुन सूर्यंवशी माघारी परतला. नितीश राणाने २८ धावा, तर रियान परागने २२ धावा केल्या. त्यानंतर शिमरोन हेटमायर आणि ध्रुव जुरेलने खेळ पुढे नेला. पण ११ धावांवर जेसलवूडने हेटमायरची विकेट घेतली. जुरेल एका बाजूने राजस्थानकडून लढत देत होता. पण त्याची विकेट पडली आणि राजस्थान रॉयल्सची सामना जिंकण्याची शक्यता देखील संपली.

RCB VS RR IPL 2025
India vs Pakistan सामन्याचा चेंडू आता ICC कडे; बीसीसीआयनं स्पष्टच सांगितलं- आमच्या हातात नाही...

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com