Mohammed Shami : आंतरराष्ट्रीय स्टार शमीचा लाजिरवाणा विक्रम; थेट दुसऱ्या स्थानी मारली उडी, पंजाबविरुद्धच्या सामन्यात काय घडलं?

SRH VS PBKS IPL 2025 : सनरायजर्स हैदराबाद विरुद्ध पंजाब किंग्स या महामुकाबल्यामध्ये प्रथम फलंदाजी करताना पंजाब किंग्सने २४५ धावा केल्या. गोलंदाजी करताना हैदराबादचा संघ प्रचंड मागे पडला. हर्षल पटेलने सर्वाधिक चार विकेट्स घेतल्या. इशान मलिंगाने दोन फलंदाजांना बाद केले. पहिल्या इनिंगमध्ये पंजाबच्या फलंदाजांचा दबदबा पाहायला मिळाला.

हैदराबाद विरुद्ध पंजाब सामन्यात मोहम्मद शमीच्या ओव्हरमध्ये सर्वात जास्त फटकेबाजी झाली. चार ओव्हर्सच्या स्पेलमध्ये मोहम्मद शमीने तब्बल ७५ धावा दिल्या. प्रियांश आर्यापासून ते शेवटच्या ओव्हरमध्ये आलेल्या मार्कस स्टॉयनिसने शमीला त्रास दिला. एकोणविसाव्या ओव्हरमध्ये तर स्टॉयनिसने शमीला लागोपाठ चार षटकार मारले. यामुळे मोहम्मद शमीच्या नावावर नकोसा विक्रमाची नोंद झाली आहे.

आयपीएलच्या इतिहासामध्ये चार ओव्हर्सच्या स्पेलमध्ये सर्वाधिक धावा देण्याचा रेकॉर्ड राजस्थान रॉयल्सच्या नावावर आहे. सनरायजर्स हैदराबाद विरुद्ध राजस्थान रॉयल्स या सामन्यात जोफ्राने ७६ धावा दिल्या होत्या. हा आयपीएलमधला सर्वात महागडा स्पेल आहे. आता महागड्या स्पेलच्या यादीत दुसऱ्या स्थानावर मोहम्मद शमीला स्थान मिळाले आहे. आजच्या हैदराबाद विरुद्ध पंजाब सामन्यात शमीने ४ ओव्हर्समध्ये ७५ धावा दिल्या.

सनरायझर्स हैदराबादची प्लेईंग ११ -

ट्रॅव्हिस हेड, अभिषेक शर्मा, इशान किशन, नितीश कुमार रेड्डी, हेन्रिक क्लासेन (यष्टीरक्षक), अनिकेत वर्मा, ईशान मलिंगा, पॅट कमिन्स (कर्णधार), झीशान अन्सारी, हर्षल पटेल, मोहम्मद शमी

पंजाब किंग्सची प्लेईंग ११ -

प्रभसिमरन सिंग (यष्टीरक्षक), प्रियांश आर्य, श्रेयस अय्यर (कर्णधार), नेहाल वढेरा, शशांक सिंग, ग्लेन मॅक्सवेल, मार्कस स्टॉयनिस, मार्को जॅन्सन, युझवेंद्र चहल, अर्शदीप सिंग, लॉकी फर्ग्युसन