IPL 2025 चा 16 वा लीग सामना लखनौ सुपर जायंट्स आणि मुंबई इंडियन्स यांच्यात एकना क्रिकेट स्टेडियमवर खेळला जातोय. या सामन्यात मुंबई इंडियन्स संघाचा कर्णधार हार्दिक पांड्याने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करताना लखनऊच्या संघाने ८ विकेट गामवात २०३ धावा केल्या.
मुंबईकडून फलंदाजी करण्याचं आमंत्रण मिळाल्यानंतर लखनऊच्या संघाने दमदार सुरूवात केली. सहा षटकांचा पॉवरप्ले होईपर्यंत लखनऊने एकही विकेट गमावली नव्हती. या दरम्यान लखनऊ सुपरजायंट्सने एकही गडी न गमावता ६० धावा केल्या होत्या. लखनऊ सुपर जायंट्सची सुरुवात चांगली झाली होती. मिचेल मार्श आणि एडन मार्करम यांनी मिळून पॉवरप्लेमध्ये म्हणजे पहिल्या ६ षटकात ६९ धावा केल्या.
यात मिचेल मार्शने ९ चौकार आणि २ षटकारांच्या मदतीने ६० धावा केल्या. मार्शने २७ चेंडूत अर्धशतक ठोकलं. मार्श और मार्करम यांनी पहिल्या विकेटसाठी ७६ धावांची भागीदारी केली. दोन्ही फलंदाजांनी आपली वैयक्तीक अर्धशतकं केली. मिचेश मार्क त्यानंतर हार्दिक पांड्याने फलंदाज निकोलस पूरनला १२ धावांवर बाद केले. आज पुन्हा एकदा कर्णधार ऋषभ पंतची खराब कामगिरी पाहायला मिळाली. तो केवळ २ धावा करून हार्दिक पांड्याचा बळी ठरला. पंत बाद झाला तेव्हा लखनऊची धावसंख्या ३ गडी गमावून १०७ धावा होती.
चौथ्या विकेटसाठी आलेल्या आयुष बदोनी आणि एर्डन मार्करन यांनी ५१ धावांची भागीदारी केली. बदोनीने १९ चेंडूंत चार चौकारांच्या मदतीने ३० धावा केल्या. अश्विनी कुमारने बदोनीला बाद केलं. बदोनी बाद झाल्यानंतर मार्करमने आपलं अर्धशतक केलं. अर्धशतक केल्यानंतर लगेचच मार्करम कर्णधार हार्दिक पांड्याचाी शिकार ठरला. मार्करमने ३८ चेंडूंत २ चौकार आणि चार षटकारांसह ५३ धावा केल्या. मुंबईकडून गोलंदाजी करताना हार्दिक पांड्याने ५ विकेट घेतल्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.