Love Story Of MS Dhoni Sakshi: बालपणीची मैत्री, हॉटेलमध्ये भेट..., धोनी अन् साक्षीची फिल्मी लव्हस्टोरी

भारतीय संघाचा माजी कर्णधार महेंद्रसिंग धोनी आणि साक्षी यांच्या लग्नाला १४ वर्षे पूर्ण झालीत. धोनी आणि साक्षीचं लग्न २०१० मध्ये लग्न झालं होतं.

दोघांच्या वयात सात वर्षांचा फरक आहे. धोनीने २०२० मध्ये निवृत्ती घेतली होती. आज आपण त्यांची प्रेमकहाणी जाणून घेऊ या.

साक्षी आणि धोनी एकमेकांचे बालपणीचे मित्र आहेत. त्यांचे वडील एकत्र काम करत होते.मात्र, काही काळानंतर साक्षीचे कुटुंब डेहराडूनला शिफ्ट झालं होतं. त्यानंतर त्यांच्यात कोणताही संपर्क झाला नव्हता.

पण, नशिबाचा खेळ पाहा धोनी आणि साक्षी अनेक वर्षांनंतर पुन्हा भेटले. टीम इंडिया २००७ मध्ये ताज बंगालमध्ये थांबली होती. तेव्हा साक्षी तेथे इंटर्नशिप करत होती.

यादरम्यान तिची धोनीशी भेट झाली आणि तिथून त्यांची प्रेमकहाणी सुरू झाली. ४ जुलै २०१० मध्ये साक्षी अन् धोनीनं लग्न केलं.

महेंद्रसिंग धोनी आणि साक्षीने २०१५ मध्ये एका गोंडस मुलीला जन्म दिला. साक्षीने तिच्या इंस्टाग्राम अकाऊंटवर एक पोस्ट शेअर केली आहे, कॅप्शनमध्ये तिने 'आमच्या १५ व्या वर्षाची सुरुवात' असं लिहिलंय.